ނިލަންދޫ ސްކޫލް ކެޕްޓަން ކަމަށް ދަރިވަރަކު ހަމަޖައްސާފައިވާއިރު އެ ދަރިވަރަކީ އެންމެ ފުރަތަމަ ބޭއްވި އިންތިހާބުން ކާމިޔާބުނުވި ދަރިވަރުކަމަށް ނިލަންދޫގައި ވާހަކަދެއްކި މިހަކު މައުލޫމާތު ދިނެވެ.
މިދިޔަ މަހުގެ 13 ވަނަ ދުވަހުގައި ދެ ކުއްޖަކަށް ވޯޓެއް ނަގައި، ނަތީޖާ އިއުލާން ކުރި ހިސާބުން އެއް ކުއްޖެއްގެ ބެލެނިވެރިންވަނީ މިނިސްޓްރީއަށާއި ކަމާބެހޭ ފަރާތަތަަކަށް މައްސަލަތަކެއް ހުށަހަޅާފަ އެވެ.
ކެޕްޓަން ހޮވުމާ ދޭތެރޭގައި އުފެދިފައި އޮތް ހިތްހަމަ ނުޖެހުމާ ގުޅިގެން ބެލެނިވެރިންގެ ފަރާތުން މުޒާހަރާއެއްވެސް މިދިޔަ މަހު ކުރިއަށްގެންދިޔަ އެވެ.
މައްސަލަތަކެއް ހުރިކަމަށް ގަބޫކުރެވޭ ކަަމަށް ބުނެ ނިލަންދޫ ސްކޫލްގެ އިކޮނޮމިކް ޓީޗަރެއްވެސް 1 މަސް ދުވަަހަށް ސަސްޕެންޑް ކޮށްފައިވާއިރު އެ ކަން ސިވިލް ސާވިސް ކޮމިޝަނުން އެއިރު ބަލާފައިވެސް ވެއެވެ. ޓީޗަރަ ސަސްޕެންޑް ކުރީ އޮންލައިންކޮށް ނެގި ވޯޓުގެ ނަތީޖާ ބަދަލުކުރި ކަމަށް ތުހުމަތުކުރެވޭތީކަމަށް މައުލޫމާތު ދިން މީހާ ހާމަކުރެ އެވެ.
ކެޕްޓެއިން ހޮވުމުގެ އިންތިހާބުގައި މައްސަލަ ބޮޑުވީ ސިޔާސީ ބާރުވެރިކަމާއި ނުފޫޒު ވަދެފައިވާތީކަމަށްވެސް ނިލަންދޫއިން މައުލޫމާތު ދިން މީހާ ވިދާޅުވި އެވެ. އެގޮތުން ފުރަތަމަ އިންތިހާބުގައި ކެޕްޓަން ކަަމަށް ހޮވުން ދަރިވަރުގެ މަންމަ ސްކޫލް ގެ ޓީޗަރަަކަށް ވީތީވެ އެކި ގޮތްގޮތުން ބާރުގެ ބޭނުންކޮށްފައިވާކަމަށް ވާހަކަދެއްކި މީހާ ވިދާޅުވި އެވެ. އަދި ސަސްޕެންޑް ކުރި ޓީޗަރަކީ އެމަންމައާ ތިމާގެ މީހެއްކަަމަށްވެސް މައުލޫމާތު ދިން މީހާ ހާމަކުރެ އެވެ. އަދި ނިލަންދޫގައި ވާހަކަދެކެވޭގޮތުގައި ހެލްތް މިނިސްޓަރު ހަލީލް އަކީ އެމީހުންނަ އާއިލީ ގޮތުން ގުޅިފައި ހުރި ބޭފުޅެއްކަަމަށްވެސް މައުލޫމާތދިން މީހާ ބުނެއެވެ.
