އެސްޓިއޯ އިން ގެޒެޓުގައި ކުރި އިއުލާނެއްގައި ބުނެފައިވަނީ އެ އިމާރާތް އަޅާނީ މާލޭގައި ހުންނަ އެސްޓީއޯގެެ ހެޑް އޮފީހާ ކައިރީގައި އޮންނަ ބިމެއްގައި ކަމަށެވެ.
އެސްޓީއޯ އިން އާންމުކޮށްފައިވާ އިއުލާނުގައި ބުނެފައިވަނީ، އެ މަޝްރޫއު ކުރިއަށް ގެންދަން ނިންމާފައިވަނީ ކޮންޓްރެކްޓާ ފައިނޭންސް އުސޫލުން، އެސްޓީއޯގެ %15 އިކުއިޓީ ހިމެނޭ ގޮތަށް ކަމަށެވެ.
އެސްޓިއޯ އިންބުނީ، އީޕީސީ ހިމެނޭ ގޮތަށް ކުރިއަށް ގެންދަން ނިންމާފައިވާ މަޝްރޫއުއަށް ޝައުގުވެރިކަން ފާޅުކުރެވޭނީ 18 މިލިއަން ޑޮލަރުގެ ނުވަތަ މިފަދަ އެއް މަޝްރޫއު ހިންގާފައިވާ ކުންފުނިތަކަށް ކަމަށާއި، ފާއިތުވި ފަސް އަހަރު ތެރޭ މިފަދަ ބޮޑު މަޝްރޫއުއެއް ހިންގާފައިވާ ޕްރައިމަރީ ކޮންޓްރެކްޓަރަކަށް ވާންޖެހޭނެ ކަމަށެވެ.
މީގެ އިތުރުން، ޝައުގުވެރިކަން ފާޅުކުރުމުގެ ސުންގަޑި މި މަހުގެ 13އަށް ހަމަވާނެ ކަމަށްވެސް އެ އިއުލާނުގައި ބުނެފައިވެ އެވެ.
