ކައުންސިލްގެ ތިން ގޮނޑިެއެއް ހުސްވީ އެ ދާއިރާތަކުގައި ތިއްބެވި މެމްބަރުން ރައްޔިތުންގެ މަޖިލިހަށް އިންތިހާބުވުމާއި ގުޅިގެންނެވެ. މި ދާއިރާތަކަށް މެމްބަރުން ހޮވުމަށް ބޭއްވި އިންތިހާބުގައި މި ތިން ގޮނޑިވެސް ކާމިޔާބުކުރީ ވެރިކަންކުރާ ޕީއެންސީންނެވެ.
އަލަށް ހުވާކުރި ކައުންސިލް މެމްބަރުން
- މައްޗަންގޮޅި މެދު ދާއިރާ / ފާތިމަތު އިޝާން އަލީ، އައިނާއެޑަމްސް (ޕީއެންސީ)
- ހެންވޭރު ހުޅަނގު ދާއިރާ / ފާތިމަތު ޝައުފާ ސަލީމް، ހ. އިސްފަހާން (ޕީއެންސީ)
- ހުޅުމާލެ ދާއިރާ ދާއިރާ / އަލީ އައިމަން، ހ. ފުޖޭރާ ( ޕީއެންސީ)
މާލޭ ސިޓީ ކައުންސިލަށް އަލަށް ހޮވުނު މެމްބަރުން ހުވާކުރުމުގެ ރަސްމިއްޔާތުގެ ތެރެއިން
ކައުންސިލުން ހުސްވި ހެންވޭރު ހުޅަނގު ދާއިރާގެ ގޮނޑީގައި އިންނެވި އަހްމަދު އައިފާން ވަނީ ރައްޔިތުން މަޖިލީހުގައި ތަމްސީލުކުރައްވަނީ ހެންވޭރު އުތުރު ދާއިރާއެވެ. މައްޗަންގޮޅި މެދު ދާއިރާ ގެ މެމްބަރު މޫސާ ޒަމީރު މަޖލީހުގައިވެސް ތަމްސީލުކުރައްވަނީ ހަމަ އެ ދާއިރާއެވެ. ހުޅުމާލެ ދާއިރާގެ ހުންނެވި އިބްރާހިމް ސުޖާއު މަޖލީހުގައި ތަމްސީލުކުރައްވަނީ އޭނާގެ އުފަން ރަށް ހިމެނޭ ބާރަށު ދާއިރާ އެވެ.
ކުޅުދުއްފުށި އުތުރު ދާއިރާ ގޮނޑި ކާމިޔާބުކުރި ޕީއެންސީގެ ކެންޑިޑޭޓް އިބްރާހީމް އަހްމަދު ހުވާކުރުމަށް ބޭއްވި ދަރުބާރުގެ ތެރެއިން
ކުޅުދުއްފުށީ ސިޓީ ކައުންސިލުން ހުސްވެފައިވާ ކުޅުދުއްފުށި އުތުރު ދާއިރާ ގޮނޑިއަށް މެމްބަރަކު ހޮވުމަށްް މިދިޔަ މަހު 20 ވަނަ ދުވަހު ބޭއްވި ބައި- އިލެކްޝަންވެސް ކާމިޔާބުކުރީ ޕީއެންސީއެވެ. އެ ގޮނޑި ކާމިޔާބުކުރި އިބްރާހީމް އަހްމަދު އޭނާގެ މަގާމުގެ ހުވާ މިދިޔަ މަހުގެ 28 ވަނަ ދުވަހު ވަނީ ކޮށްފައެވެ.
