ދައުލަތުގެ މީޑިއާ ގައި ވާހަކަދައްކަމުން ފިޝަރީޒް މިނިސްޓްރީގެ ޑިރެކްޓާ ޖެނެރަލް ޑރ.ހުސެއިން ސިނާން ވިދާޅުވީ މިހާރު މިނިސްޓްރީގެ މައިގަނޑު އަމާޒުހުރީ މަސްވެރިކަމުގެ ބާޒާރުތައް ހަރުދަނާ ކުރުމަށް ކަމަށެވެ.
އެގޮތުން ސަރުކާރުގެ ވިސްނުމަކީ މަސްވެރިކަމުގެ 3 ފެސިލީޓީ، ނައިފަރު، ނިލަންދޫ، އަދި ގދ. ފިއޮރީގައި ގާއިމް ކުރާ ތަންތަނުން އަދި އަމިއްލަ ފަރާތްތަކުން މިހާރު ހޮރައިޒަން އަދި މެންސިސް އިން ދަޅުގައި ބަންދުކުރާ ކާރުހާނަތައް އައުމާއިއެކު މަސައްކަތް ފެށުން ކަމުގައި ސިނާޏް ވިދާޅުވި އެވެ.
އެ 80،000 ޓަނުގެ މަސް އެކްސްޕޯޓް ކުރުމަށް، އެ މަސައްކަތް ޕްރޮސެސްކުރަން ފަށާއިރު ވިއްކާނެ ބާޒާރުތަކެއް ހޯދަން ޖެހޭކަމަށް ސިނާން ވިދާޅުވި އެވެ.
އެ މަސައްކަތަަށް ކުރަމުން ގެންދާނީ ފިޝަރީޒް ޕްރޮމޯޝަން ބޯޑުން ނުވަތަ ކުންފުނީގެ ފަރާތުން ކަަމަަށް ފާހަގަކޮށް ސިނާޏް ވިދާޅުވީ އޭގެތެރެއިން މިހާރުވެސް ރޯ މަހުގެ ގޮތުގައި އެކްސްޕޯޓް ކުރާ ތައިލެންޑް ފަދަ ގައުމުތައް ގައުމުތައް ހުރިކަަމަށެވެ. އެގޮތުން ޕްރޮސެސް ކުރަން ފަށާއިރު ބާޒާރުތައް ހޯދުމުގެ މަސައްކަތްކުރަން އެގައުމުތަކުގެ ކަމާބެހޭ ފަރާތްތަކާއި އެކު މިހާރު ދަނީ ސަރުކާރުގެ ފަރާތުން މަޝްވަރާކުރަމުންކަމަށް ސިނާން ވިދާޅުވި އެވެ.
ފާއިތުވި 3 މަހަކީ މަސްވެރިކަަމަށް ވަރަށް ދަތިކޮށް ދިޔަ މަހެއް ކަަމަށާއި މިފްކޯގެ އޮޕަރޭޝަންގައި ދިމާވި ދަތިތަކާއެއްކޮށް މިފްކޯއިންވެސް ޕްރޮސެސްކުރާނެ މަސް ހުސްވެގެން ދިޔަަކަމަށް ސިނާން ފާހަގަކުރެއްވި އެވެ.
ފާއިތުވި ޖޫން، ޖުލައި އަކީ ރާއްޖެގައި މަސްވެރިކަން ދަށް ދުވަސްކޮޅެއް ކަމަށް ފާހަގަކޮށް ސިނާން ވިދާޅުވީ މުޅި އިންޑިއާ ކަނޑުގައިވެސް އޮތީ މަސްވެރިކަން ވަރަށް ދަށްކޮށްކަަމަށެވެ.
އެގޮތުން މިއަހަރަކީ އެލްމީނޯ އަހަރަކަށް ވެފައި މިއަހަރު ކަނޑުގެ ލޮނުގަނޑުގެ ޓެމްޕެރޭޗަރު އޮތީ ވަރަށް އާދަޔާ ހިލާފަށް މަތިކޮށް ކަމަށާއި އޭގެ ސަބަބުން ކަނޑުގެ މަތީ ފަަށަލާގައި ހުންނަ ކާނާގެ މިންވަރު ވަރަށް ބޮޑަށް ދަށްވެފައިވާކަން ސިނާން ފާހަގކުރެއްވި އެވެ.
