މި އީ މި އެވޯޑް އަށް ނަން ހުށަހެޅުން ފަސްކުރި މީ ދެ ވަނަ ފަަހަރެވެ، އެ ވޯޓަށް ފުރަތަމަ ހުޅުވާލީ ޖޫން 9 ވަނަ ދުވަހު އެވެ. އެ ފަހަރު ކުރި މަތި ލުމުގެ މުއްދަތު ހަމަވާ މުއްދަތަކަށް އޮތީ ނިމުނު ޖުލައި މަހު 18 ވަނަ ދުވަހުގެ 14:00 އަށެވެ.
މޯލްޑިވްސް ބްރޯޑްކާސްޓް އެވޯޑްސްގެ ނަމުގައި ފުރަތަމަ ފަހަރަށް އެވޯޑް ދޭން ފެށީ 2022 ވަނަ އަހަރު އެވެ.
މި އެވޯޑަކީ ދިވެހިރާއްޖޭގައި ހިޔާލުފާޅުކުރުމުގެ މިނިވަންކަމާއި ޑިމޮކްރަސީ އާލާކޮށް ދަމަހައްޓާ އަދި ޤައުމުބިނާކުރުމާއި، އެކި ދާއިރާތަކުން ރައްޔިތުންގެ ހޭލުންތެރިކަން އިތުރުކޮށް މަޢުލޫމާތު މުއްސަނދި ކުރުމުގައި ބްރޯޑްކާސްޓިން ސިނާއަތުގައި ހަރަކާތްތެރިވާ ފަރާތްތަކުން އަދާކުރާ މުހިއްމު ދައުރުގެ އަގުވަޒަންކޮށް، މި ސިނާއަތުގެ ތަރައްޤީއަށް މަގުފަހިކޮށް ހިތްވަރު ދިނުމުގެ ގޮތުން ދެމުން އަންނަ އެވޯޑެއްކަމަށް މޯލްޑިވްސް ބްރޯޑްކާސްޓިން ކޮމިޝަނުން ބުނެއެވެ. ބްރޯޑްކޮމް އިން ބުނީ މި އަހަރު އެވޯޑް ދެނީ 3 ކެޓަގަރީއަކުން ކަމަށެވެ.
އެވޯޑް ދޭ ކެޓަގަރީތައް
- ޕްރޮޑަކްޝަން އެވޯޑު - ކެޓަގަރީ 1
- އިންޑިވިޖުއަލް އެވޯޑު - ކެޓަަގަރީ 2
- އިންޑަސްޓްރީ އެވޯޑު - ކެޓަގަރީ 3
2022 ވަނަ އަހަރު ދިން މޯލްޑިވްސް ބްރޯޑްކާސްޓް އެވޯޑްސްގެ ގިނަ ވަނަތައް ހާސިލްކުރީ ދައުލަތުގެ މީޑިއާ ޕީއެސްއެމްއިންނެވެ. މިދިޔަ އެވޯޑްގައި ބްރޯޑްކާސްޓިން ދާއިރާގައި ގިނަ ދުވަސްތަކެއް ވަންދެން މަސައްކަތްކުރެއްވި ބޭފުޅުންގެ އަގު ވަޒަންކޮށް ދިން ލައިފް އެޗީވްމަންޓް އެވޯޑް ލިބިފައި ވަނީ ކުރީގެ އިންފޮމޭޝަން މިނިސްޓަރު އަދި ދިވެހިރާއްޖޭގައި އަޑަށް32 އަހަރަށް ވުރެ ގިނަ ދުވަހު އަގުހުރި ހިދުމަތްތަކެއް ކޮށްދެއްވި ސަމަރުބުލޫ އިބްރާހިމް މަނިކު (ސަމަރޭ) އާއި ދިވެހިރާއްޖޭގެ އަޑަށް ގިނަ ހިދުމަތްތަކެއް ކޮށްދެއްވި ކުރީގެ މަޝްހޫރު ރޭޑިއޯ ޕްރެޒެންޓާ ޕްރޮޑިއުސަރ ޒާހިދާ އިބްރާހިމް (ޒާހިދާއްތަ) އަށެވެ.
އެ ކޮމިޝަނުން ބުނީ އިނާމު ދިނުމަށް ހަމަޖެހިފައިވާ ދާއިރާތަކުގެ ޝަރުތުތައް އެކުލެވޭ ތަފްސީލާއި އެޕްލިކޭޝަން ފޯމް “މޯލްޑިވްސް ބްރޯޑްކާސްޓް އެވޯޑު ދިނުމުގެ އުސޫލު”ގައި ބަޔާންކޮށްފައިވާނެކަމަށާއި މި އުސޫލު މޯލްޑިވްސް ބްރޯޑްކާސްޓިން ކޮމިޝަނުގެ ވެބްސައިޓްއިން ލިބޭނެ ކަމަށެވެ.
