ads
އެމެރިކާއަށް އެރި ނަގޫރޯޅިތަކެއް
ކޮންމެ 30 އަހަރަކުން އަރާ ނުރައްކާތެރި ނަގޫރޯޅިތަކެއް އެމެރިކާއަށް އަރައިފި
އެމެރިކާގެ އެކި ސްޓޭޓްތަކަށް ނުރައްކާތެރި ނަގޫރޯޅި ތަކެއް އަރައި، ގިނަ ބައެއްގެ ގެދޮރާއި އިމާރާތްތަކަށް ބޮޑެތި ގެއްލުންތަކެއް ވެއްޖެއެވެ.
Advertisement

މިއީ ކޮންމެ 30 އަހަރަކުން އެއްފަހަރު އަންނަ ކަމަށް ބެލެވޭ ވައިގަދަ ތޫފާނެއްގެ ސަބަބުން ކުރިމަތިވި ހާދިސާއެކެވެ. މި ތޫފާނު ފެށުނީ އޭޕްރިލް 2 ވަނަ ދުވަހު ނަގޫރޯޅި ތަކަކާއެކުގައެވެ. އަދި މި ހަފުތާ ނިމެންދެން އެކި ސްޓޭޓްތަކުގައި ފެންބޮޑުވުމުގެ ނުރައްކާވެސް އެބައޮތެވެ. 

މިސޫރީ ސްޓޭޓަކީ މި ނަގޫރޯޅި ތަކުގެ ސަބަބުން އެންމެ ބޮޑަށް ގެއްލުން ލިބުނު ސްޓޭޓްތަކުގެ ތެރެއިން އެއް ސްޓޭޓެވެ. އެތައް ގެދޮރަކާއި މަގުތަކަށް ބޮޑެތި ގެއްލުންތަކެއް ވެފައިވާއިރު، ކުއްލިއަކަށް އައި ނަގޫރޯޅި ތަކުން ސަލާމަތްވުމަށް ރައްޔިތުންނަށް އެކަށީގެންވާ ވަގުތު ނުލިބުނު ކަމަށް ވެސް ވަނީ ރިޕޯޓުކުރެވިފައެވެ. ކުއްލި ހާލަތުގައި އެހީތެރިވާ ޓީމުތަކުން މިހާރު ދަނީ ގެއްލުންތައް ދެނެގަތުމުގެ މަސައްކަތް ކުރަމުންނެވެ.

އާކަންސަސް ސްޓޭޓަށް ދެން ކުރިމަތިވާނީ "ކާރިސާގެ ފެންވަރުގެ" ފެންބޮޑުވުމެއް ކަމަށް ނޭޝަނަލް ވެދަ ސަރވިސްއިން ވަނީ އިންޒާރު ދީފައެވެ. ވާރޭވެހި،  ރެކޯޑު ފެންވަރުގެ ފެންބޮޑުވުމެއް ކުރިމަތިވެދާނެ ކަމަށް ވެދަ ސަރވިސްގެ ސީނިއަ މީޓިއޮރޮލޮޖިސްޓް ޑރ. އެމިލީ ކާޓަ ވިދާޅުވެފައިއެވެ.  ބުނީ "މިއީ އާދައިގެ ތޫފާނެއް ނޫން" ކަމަށް ވެސް އޭނާ ވަނީ ވިދާޅުވެފައެވެ. 

98%
ކަމުގޮސްފި
2%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް