މިއީ މާލެ ފިޔަވައި ރާއްޖޭގެ އެހެން ސަރަހައްދެއްގައި މި ފަރުވާދޭން ފެށި ފުރަތަމަ ފަހަރެވެ. މި ހިދުމަތް އެ ހޮސްޕިޓަލްގައި ދެމުން އަންނަނީ އައިޖީއެމްއެޗްގެ ޓީމެއްގެ އެހީތެރިކަމާއި އެކުއެވެ.
މި ހިދުމަތް ފެށުމަށް ކުޅުދުއްފުށި ރީޖަނަލް ހޮސްޕިޓަލްގައި ބޭއްވި ރަސްމިއްޔާތުގައި މާލެ ސިޓީ ގްރޫޕް އޮފް ހޮސްޕިޓަލްސްގެ ސީއީއޯ އިބްރާހިމް އަބުދުއްރައްޒާގު ހަލީމާއި އައިޖީއެމްއެޗް އަދި ކުޅުދުއްފުށި ރީޖަނަލް ހޮސްޕިޓަލްގެ އިސްވެރިންވަނީ ބައިވެރިވިއެވެ.
ޕްލާސްޓިކް ސާޖަރީގެ ހިދުމަތް ފެށުމަށް ކޭއެޗްއާރުގައި ބޭއްވި ރަަަސްމިއްޔާތުގެ ތެރެއިން
މިދިޔަ ސަރުކާރުގައި ކުޅުދުށްފުށީ ރީޖަނަލް ހޮސްޕިޓަލްގެ އައު އިމާރާތް އަޅާ ގިނަ ހިދުމަތްތަކެއް ވަނީ ފަށާފައެވެ. އެ ހޮސްޕިޓަލްގައި އެމް.އާރް.އައިގެ ހިދުމަތްވެސް އަންނަނީ ދެމުންނެވެ.
ސަރުކާރުން ރާއްޖޭގެ ފަސް ސަރަޙައްދުގައި ޓާޝަރީ ފެންވަރަށް ހޮސްޕިޓަލް ތަރައްޤީކުރުމަށް ނިންމާފައިވާ ރަށްތަކުގެ ތެރޭގައި ކުޅުދުއްފުށި ހިމެނެއެވެ. މި މަޝްރޫޢުގައި ކުޅުދުއްފުށީގައި 100 އެނދުގެ ޓަރޝަރީ ފެންވަރުގެ ހޮސްޕިޓަލެއް ތަރައްޤީކުރާނެއެވެ.
