އައްޑޫ މަގުތަށް ނިންމަން ދެވަނަ ފޭސްއެއް އަންނަންޖެހޭ - ފޮޓޯ: އައްޑޫ ސިޓީ ކައުންސިލް
އައްޑޫ މަގުތަށް ނިންމަން ދެވަނަ ފޭސްއެއް އަންނަންޖެހޭ: ނިޒާރު
ސީއެންއެމް ނިއުސް ޓީމް
11 އޯގަސްޓް 2024 - 18:13:52
އައްޑޫސިޓީގެ މަގުތަށް ނިންމަން ދެވަނަ ފޭސްއެއް އަންނަންޖެހޭ ކަމަށާއި އެހެންނޫންނަމަ ހެދިފައި ހުރިމަގުތަށްވެސް ހަލާކުވެގެންދާނެ ކަމަށް އައްޑޫ ސިޓީގެ މޭޔަރަ އަލީ ނިޒާރު ވިދާޅުވެއްޖެ އެވެ.
Advertisement
ނިޒާރު މިހެން ވިދާޅުވީ، އިންޑިއާއިން ކުރިއަށް ގެންދިޔަ ބައެއް މަޝްރޫއުތަކުގެ ނިމުން ފާހަގަކުރުމަށް މިއަދު އައްޑޫގައި ބޭއްވި ޖަލްސާގައި ވާހަކަދައްކަވަމުންނެވެ.
އައްޑޫއިން ހިތަދޫއަށް އޮންނަ ލިންކް ރޯޑަކީ 20 އަހަރުވީ ހަރަދު ކުޑަކޮށް ހަދާފައި ހުރި ލިންކް ރޯޑެއް ކަމަށާއި، އެ ޕްރޮޖެކްޓް ތެރޭގައި ހެދި ހުރިހާ މަގެއް ގާތްގަނޑަކަށް ހަލާކުވެއްޖެ ކަމަށް ނިޒާރު ވިދާޅުވި އެވެ.
"ލިންކުރޯޑާއި ނުލައި އައްޑޫސިޓިގެ ތަރައްގީއަށް ދެން އިތުރު ބޭނުންވާ މުހިންމު ކަމެއްނެތް. އެހެންނޫނީއާ ލިންކުރޯޑު މަރާމާތުކުރުން ނޫނީ އައްޑޫސިޓީގެ މާސްޓަރ ޑިވޮލޮޕްމެންޓް ޕްލޭންގަ ހިމެނޭހެން 4 ލޭން މަގަކަށް ހަންކެޑޭ ބްރިޖް އޮންނަހެން އެމަގު އެއްކޮށް ހިތަދުއާއި ގުޅާލުމަށް މަސައްކަތް ކުރެވިގެން ދިއުމަކީ އަޅުގަނޑުމެންގެ ރައްޔިތުން އެންމެބޮޑަށް ބޭނުންވާ ކަމަކީ." ނިޒާރު ވިދާޅުވި އެވެ.
ނިޒާރު ވިދާޅުވީ، އައްޑޫސިޓީގެ ތަރަށްގީއަށް ހަންކެޑޭ އޮތީ ވަރަށް މުހިންމު މަސައްކަތެއްގެ ގޮތުގައި ކަމަށާއި، މިހާރުވެސް 20 މިލިޔަން ޑޮލަރު ހަރަދު ކުރެވިފަވާ ކަމަށެވެ. އެހެންކަމުން ހަންކެޑޭ ތަރައްގީ ކުރުމަކީ އައްޑުގެ ކައުންސިލުން ބޭނުންވާ އެއްމެ މުހިންމު ކަންތަށް ކަމަށެވެ.
0%
ކަމުގޮސްފި
100%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
