މިކަމުގެ އެއްބަސްވުމުގައި އެމްޓީސީސީގެ ފަރާތުން ސޮއިކުރީ އެ ކުންފުނީގެ ޗީފް އެގްޒެކްޓިވް އޮފިސަރު އަބްދުﷲ ޒިޔާދުއެވެ. އައިލޭންޑް އޭވިއޭޝަންގެ ފަރާތުން ސޮއިކުރީ އެ ކުންފުނީންގެ މެނޭޖިން ޑިރެކްޓަރު އިބްރާހިމް އިޔާސްއެވެ.
މި މަޝްރޫއުގެ ދަށުން މިހާރު އޮތް 453 އަކަ މީޓަރުގެ ފަޔާ ރޯޑް ތަޅާލައި 18،660 އަލަ މީތަރު ސަރަހައްދެއް ވެލިގަނދުގެ މަތީ ފަށަލަ ނަގައި ސަބްބޭސް ތައްޔާރުކޮށް ވެއަރިން ކޯސް އެޅުމާއި 4،047 އަކަ މީޓަރުގެ ސަރަހައްދެއް ގްރޭޑްކޮށް ކޮމްޕެކްޓަރުކުރުމުގެ މަސައްކަތް ހިމެނޭކަމަށް އެމްޓީސީސީން ބުނެއެވެ. މީގެއިތުރުން އެއާފީލްޑް ލައިޓިން ސިސްޓަމެއް ގާއިމުކުރމުގެ މަސައްކަތް ހިމެނޭކަމަށްވެސް އެމްޓީސީސީން ބުނެއެވެ.
މި މަޝްރޫއުގެ އަގަކީ 29.85 މިލިއަން ރުފިޔާއެވެ. އަދި މަސައްކަތް 180 ދުވަހުގެ ތެރޭގައި ނިންމާ ހަވާލުކުރަންޖެހެވެ.
މި މަޝްރޫއު ނިމުމުން ޕްރައިވެޓް ޖެޓްތައް ޕާކުކުރެވޭނެ އިތުރު ޖަގާލިބުމާއި އެކު ޕްރައިވެޓް ޖެޓްތައް ޖައްސާ މާފަރު އެއާޕޯޓަށް ލިބިގެންދާ އާމްުދަނީ އިތުރުވެގެންދާނެކަމަށް އެމްޓީސީސީން ބުނެއެވެ. އަދި މި މަޝްރޫގެ ސަބަބުން ވަޒީފާގެ ފުރުސަތުތައް އިތުރުވެ ނ. އަތޮޅުގެ އިގްތިސާދާއި ތަރައްޤީއަށް ކުރިއެރުންތައް އަންނަނާނެކަމަށް ގަބޫލުކުރާކަމަްވެސް އެމްޓީސީސީން ބުނެއެވެ.
މާފަރަކީ ރާއްޖެއަށް އަންނަ ޕްރައިވެޓް ޖެޓްތައް އެންމެ ގިނައިން ޖައްސާ އެއާޕޯޓްއެވެ.
