މިނިސްޓަރު މިހެން ވިދާޅުވީ ގުޅީފަޅުން ބިން ލިބުނު ފަރާތްތަކަށް އިން ވަކިކޮށް ބިން ހަވާލުކުރަން ފެށޭނީ ކޮން ދުވަހަކުންތޯ ގަލޮޅު އުތުރު ދާއިރާގެ އެމްޑީޕީ މެންބަރު މުހައްމަދު އިބްރާހީމް (ކުޑޫ) ކުރެއްވި ސުވާލަށް މަޖިލީހުގައި މިއަދު ޖަވާބު ދެއްވަމުންނެވެ.
ވަޒީރު ވިދާޅުވީ ގުޅިފަޅުން ގޯތި ދެވޭނީ ބްރިޖުގެ މަސައްކަތް ނިންމުމުންނާއި ބަކީ ހިއްކަން ޖެހޭ ސަރަހައްދު ހިއްކާ ނިމުމުންކަމަށެވެ. އެގޮތުން ގުޅިފަޅު ބިމުން އަދި 5 ހެކްޓަރު ބިން ހިއްކަން ޖެހޭކަމަށާއި އެކަން އެމްޓީސީސީއާއި ހަވާލުކުރަން މަޝްވަރާކުރަމުންދާކަމަށް ކޮންސްޓްރަކްޝަން މިނިސްޓަރޔު ވިދާޅުވެފައިވާކަމަށް ވަޒީރު ހައިދަރު ވިދާޅުވިއެވެ.
ވަޒީރު ހައިދަރު ވިދާޅުވީ ގުޅިފަޅުން ބިން ދޫކުރެވޭބީ ބްރިޖުގެ މަސައްކަތްވެސް ނިމުމުންކަމަށެވެ. ސަބަބަކީ އެކަމަށް ބޭނުންވާ ބައެއް ހެވީ ވެހިކަލް އެތަނުން ދުއްވާތީކަމަށް ވަޒީރު ހައިދަރު ވިދާޅުވިއެވެ.
ވަޒީރު ވިދާޅުވީ މިދިޔަ ސަރުކާރުން ގުޅިފަޅުގެ ކަންކަން ރާވާފައިވަނީ އެތަނުގައި މީހުންނަށް ދިރިއުޅެވޭ ގޮތަށް ނޫން ކަމަށެވެ. އަލުން ލޭންޑް ޔޫސް ޕްލޭނެއް އެކުލަވާލާ ގުޅިފަޅުން ގޯތި ލިބުނު މީހުންނާއި މަޝްވަރާކޮށް ބަދަލުތައް ގެނެސް، މިހާރު އޮތީ ފާސްކުރުމުގެ ފަހު މަރުހަލާގައި ކަމަށްވެސް ވަޒީރު ވިދާޅުވިއެވެ.
