ހައިދަރު މިހެން ވިދާޅުވީ އުތުރު ދާއިރާގެ އެމްޑީޕީ މެންބަރު މުހައްމަދު އިބްރާހީމް (ކުޑޫ) ކުރެއްވި ސުވާލަށް މަޖިލީހުގައި މިއަދު ޖަވާބު ދެއްވަމުންނެވެ.
ވަޒީރު ހައިދަރު ވިދާޅުވީ ބިންވެރިޔާ ސްކީމުން ހުޅުމާލެ ފޭސް 2 އިން ދޫކޮށްފައިވާ 1،407 ބިމުގެ ތެރެއިން މިހާރު 623 ބިމެއް ވެރިފަރާތްތަކާއި ހަވާލުކޮށް ނިންމާފައިވާކަމަށެވެ. އަދި ބާކީ ހުރި ބިންތައް މިއަހަރު ހަވާލުކޮށް ނިންމާފައިވާކަމަށެވެ.
ވަޒީރު ހައިދަރު ވިދާޅުވީ ހުޅުމާލެއިން އެޗްޑީސީން ތަކެތި ބަހައްޓަން ހުރި ބިންތަކާއި މަގުތަކަށް އަރާ ގޮތަށްކަމަށެވެ. އަދި ބިން ދީފައިހުރީ ކަނޑުންކަމަށް ހައިދަރު ތަކުރާރުކޮށް ވިދާޅުވިއެވެ.
ބިންވެރިޔާ ސްކީމުގެ ދަށުން ހުޅުމާލޭގައި އަލަށް ހިއްކާ ހުޅުމާލެ ފޭސް ތިނަކުން ގޯތި ދޫކުރުވޭނެ ކަމަށް ލަފާކުރެވެނީ އަންނަ ނޮވެމްބަރު މަހު ކަމަށް ވަޒީރު ޑރ. އަލީ ހައިދަރު ވަނީ ވިދާޅުވެފައެވެ.
