އެޕާޓީން މިހެން ބުނީ 2004 ވަނަ އަހަރުގެ މަޝަހޫރު "ކަޅު ހުކުރު" ގެ ހާދިސާއަށް 12 އަހަރުވުމާއި ދިމާކޮށް އެޕާޓީން ނެރުނު ބަޔާނެއްގައެވެ.
ޑިމޮކްރެޓްސްގެ ބަޔާނުގައި ބުނީ ޖަލުގައި އަނިޔާކުރުމާއި ސިޔާސީ ގޮތުން މީހުން ހައްޔަރުކުރުމާއި ވެރިކަމުގައި ހުދުމުހުތާރު ވައްޓާފާޅިއާއި ދެކޮލަށް 2004 ވަނަ އަހަރުގެ އޮގަސްޓްމަހުގެ 12 ވަނަދުވަހު ރައްޔިތުން ނުކުމެ ކާމިޔާބު ހޯދާ ބޮޑެތި ބަދަލުތަކެއް ގެނައިކަމަށެވެ.
އެހެންނަމަވެސް އެ ބައްދަލުތަކާއި އެކު ގާނޫނު އަސާސީ ތަސައްވަރުކުރި ބޮޑެތި ބަދަލުތައް މިހާރު ފުރޮޅިގެން ގޮސްފައިވާ ނުކިއްސަރު މަގާމެދު ޑިމޮކްރެޓްސް ޕާޓީން ކަންބޮޑުވާކަމަށް އެ ޕާޓީން ނެރުނު ބަޔާނުގައިވެއެވެ.
ރައްޔިޔުންގެ ހައްގުތަކާއި ބާރުގެ މައްޗަށް ނާޖައިޒު ގޮތުގައި ވެރިކަމުގެ ބާރު އިސްކުރަމުން ގެންދަނީ އެކިއިރު އެކި ގޮތަށަށްކަން ފާހަގަކޮށް މާލީ ބާރުވެރިކަމާއި ވަޒީފާތައް ބޭނުންކޮށްގެން މިހާރު އެކަން ކުރަމުން އަންނަކަމަށް ޑެމްސްގެ ބަޔާނުގައިވެއެވެ.
ދަ ޑިމޮކްރެޓްސް ދެމި އޮންނާނީ އަނިޔާވެރިކަމާއި ދެކޮޅު އަދި ރައްޔިތުންގެ ހައްގުތައް ދިފާއުކޮސް ކުރެިއެރުވުމުގެ ވިސްނުމާއި ފިކުރުގެ ބިންގާގެ މަތީގައިކަމަށްވެސް އެޕާޓީން ބުނެއެވެ.
