އެ އިދާރާއިން ޔެލޯ އެލާޓް ނެރެފައިވަނީ ހއ. އަތޮޅުން ފެށިގެން އަދ އަތޮޅާއި ހަމައަށެވެ. މި އެލާޓް ނެރެފައިވަނީ ހެނދުނު 06:00 އިން ފެށިގެން 10:00 އާ ހަމައަށެވެ.
މެޓް އޮފީހުން ބުނީ އެލާޓް ނެރެފައިވާ ސަރަހައްދުތަކަށް ވައި ވަރަށް ގަދަވާނެކަމަށް ލަފާކުރެވޭކަމަށެވެ. އެގޮތުން 25 މޭލާއި 30 މޭލާއި ދެމެދުގެ ބާރުމިނުގައި ވައިކެހި ވިލާގަނޑުގައި 50 މޭލަށް ވައިގަދަވާނެކަމަށް ލަފާކުރެވޭކަމަށްވެސް މެޓް އޮފީހުން ބުނެއެވެ. އަދި ރާއްޖޭގެ ކަނޑުތައް ވަރަށް ގަދަވާނެކަށްވެސް މެޓް އޮފީހުން ބުނެއެވެ.
ކެލާގެ ގެއްގައި ފެންބޮޑުވެ ލިބުނު ގެއްލުން ފޮޓޯ: ކެލާ ކައުންސިލް
އިއްޔެ ރާއްޖެއަށް ކުރި ވިއްސަރާގައި މާލޭގެ 252 ގެޔަކަށް ވަނީ ފެންވަދެފައެވެ. އަދި ތިން ގެއަކުން މީހުން ބަދަލުކުރަން ޖެހުނުކަމަށް ނޭޝަނަލް ޑިޒާސްޓާ މެނޭޖްމަންޓް އޮތޯރިޓީން ވަނީ ބުނެފައެވެ. އަދި އަތޮޅުތެރެއިން 20 ރަށަކުން އެކިވަރުގެ ގެއްލުންތައް ލިބިގެން ރިޕޯޓްކޮށްފައިވާކަމަށާއި 4 ރަށަކުން 12 ގެއަކުން މީހުން ބަދަލުކުރަން ޖެހުނުކަމަށްވެސް އެންޑީއެމްއޭއިން ވަނީ ބުނެފައެވެ.
އިއްޔެ ކުރި ވިއްސާރާގައި މާލޭގައި ގަހެއް ވެއްޓިފައި
ވިއްސާރައިގެ ސަބަބުން ފެންބޮޑުވެ ގެއްލުންވި ރަށްތަކުގެ ތެރޭގައި ހއ އަތޮޅުގެ މީހުން ދިރިއުޅޭ ހުރިހާ ރަށެއް ހިމެނެއެވެ.
