އެމެރިކާގެ ކޯޗު ކަމަށް، ޕޮޗެޓީނާ ހަމަ ޖައްސާފައިވާ ކަމަށް ސީއެންއެން، ބީބީސާ ފަދަ ބޮޑެތި ނޫސްތަކުން ރިޕޯޓްކޮށްފައިވީ ނަމަވެސް އެކަން ރަސްމީކޮށް އަދި އެމެރިކާއިން ހާމަކޮށްފައެއް ނުވެއެވެ.
އެމެރިކާގައި ބޭއްވި ކޮޕަ އެމެރިކާ ފުޓްބޯޅަ މުބާރާތުގައި އެމެރިކާ ޓީމުން ފެނުނު ދަށް ކުޅުމަށް ފަހު، ކޯޗު ކަމުގައި އޭރު ހުރި، ގްރެގް ބާހޯލްޓާ ވަކިކުރުމަށް ފަހު އެ މަގާމް އޮތީ ހުސް ކޮށެވެ. އަދި ޕޮޗެޓީނޯ އެ މަގާމަށް އައްޔަންކޮށް ވަރަށް އަވަހަށް އެކަން އިއުލާން ކުރާނެ ކަމަށް ބެލެވެއެވެ.
ޕޮޗެޓީނޯ އެންމެ ފަހުން ހުރީ ޗެލްސީގައެވެ. ދެ އަހަރުގެ ކޮންޓްރެކްޓެއްގައި މިދިޔަ އަހަރު ޗެލްސީއާ ހަވާލުވި ޕޮޗެޓީނޯ އެއް އަހަރަށް ފަހު މަގާމުންވަނީ ވަކިވެފައެވެ.
ޕޮޗެޓީނޯ ވަނީ، މީގެ ކުރިން، ސްޕެއިނުގެ އެސްޕަންޔޯލާއި އިނގިރޭސި ދެ ކްލަބް ކަމަށްވާ ސައުތެމްޓަން އާއި ޓޮޓެންހަމްގެ އިތުރުން ފްރާންސްގެ ޕީއެސްޖީ އަށް ކޯޗުކޮށްދީފަ އެވެ.
