ހަޔާ އެޑިއުކޭޝަން މިނިސްޓުރީން އެކުސްގައި ކުރި ޕޯސްޓެއްގައި ބުނެފައި ވަނީ، މި ސްކޮލާޝިޕްއަކީ ޖަޕާންގެ ސަރުކާރުގެ ހިލޭ އެހީގެ ދަށުން ދިވެހި ސަރުކާރުގެ މުވައްޒަފުންނަށް ދޭ ސްކޮލާޝިޕް ފުރުސަތެއް ކަމަށެވެ.
ހަޔާ އެޑިއުކޭޝަން މިނިސްޓުރީން ފަރާތުން މި އެއްބަސްވުމުގައި ސޮއިކުރެއްވީ މިނިސްޓަރ ޑރ. މަރްޔަމް މާރިޔާ އެވެ. އަދި ޖަޕާން އިންޓަރނޭޝަނަލް ކޯޕަރޭޝަން (ޖޭއައިސީއޭ)ގެ ފަރާތުން ސޮއިކުރެއްވީ ޖަޕާނު ސަރުކާރުން ދިވެހިރާއްޖެއަށް ކަނޑައަޅުއްވާފައިވާ ސަފީރު، ހާރ އެކްސެލެންސީ މިޑޮރީ ޓަކެއުޗީ އެވެ.
މި ކަމާއި ގުޅިގެން މިނިސްޓްރ މާރިޔާ ވިދާޅުވީ، މި ސްކޮލަޝިޕަކީ ރާއްޖޭގައި ތިބި ސިވިލް ސާރވިސް މުވައްޒަފުން ޖަޕާނުގެ މަގްބޫލު ޔުނިވާސިޓީތަކުގައި ތައުލީމު ހާސިލުކުރުމަށް ލިބޭ ފުރުސަތެއް ކަމަށެވެ. އަދި މިފަދަ ފުރުސަތުތަކަކީ އެ ދަރިވަރުންނަށް ލިބޭ އަމިއްލަ ކުރިއެރުމުގެ އިތުރުން ރާއްޖޭގެ ތަރައްގީއަށް ލިބޭ ކުރިއެރުމެއް ކަމަށެވެ.
މާރިޔާ ވިދާޅުވީ، ޖަޕާނުން މަތީ ތައުލީމު ހާސިލުކޮށް ރާއްޖެ އަންނަ ޒުވާނުންނަކީ މުސްތަގުބަލުގައި ރާއްޖޭގެ ކުރިއަރުވައި ހިންގަން ތިބި ވެރިން ކަމަށެވެ.
