ބެޑްމިންޓަން އެކެޑަމީ އޮފް ނައިފަރަކީ ރާއްޖޭގައި ބެޑްމިންޓަން ކުރިއެރުވުމުގެ މަސައްކަތް އެންމެ ފުޅާދާއިރާއެއްގައި ކުރަމުން އަންނަ އެއް އެކެޑަމީއެވެ.
ހޯމަ ދުވަހުން ފެށިގެން މި މަހުގެ 25 އަށް ކުރިއަށްދާ މި މުބާރާތަކީ އެންސީޕީބީއޭ އޯލް އައިލެންޑު އޯޕަން ބެޑްމިންޓަން ޗެމްޕިއަންޝިޕެވެ. މިއީ ސްރީ ލަންކާ ބެޑްމިންޓަނުގެ އަހަރީ ކަލަންޑަރުގައި ހިމެނިގެން ބާއްވާ މުބާރާތެވެ.
މި މުބާރާތުގައި ރާއްޖެއިން ތިން އުމުރުފުރާއަކުން ކުޅުންތެރިން ވާދަކުރެއެވެ. އެއީ 13 އަހަރުން ދަށާ، 15 އަހަރުން ދަށް އަދި 17 އަހަރުން ދަށެވެ.
13 އަހަރުން ދަށުގެ އަންހެން ޑިވިޝަނުގައި ދެ ކުޅުންތެރިން އަދި މި އުމުރުފުރާގެ ފިރިހެން ޑިވިޝަނުގައި އެއް ކުޅުންތެރިއަކު ހިމެނެއެވެ.
މުބާރާތުގެ 15 އަހަރުން ދަށުގެ ފިރިހެން ބައިގައި 3 ފިރިހެން ކުޅުންތެރިން ވާދަކުރާއިރު އަންހެން ބައިގައި ދެ ކުޅުންތެރިން ވާދަކުރެއެވެ.
17 އަހަރުން ދަށުގެ ފިރިހެން ބައިގައި ތިން ކުޅުންތެރިން އެ އެކަޑަމީގެ ފަރާތުން ވާދަކުރެއެވެ.
