ބިލް ތަސްދީގު ކުރައްވައިފި، ބައި އިލެކްޝަން ދެން އޮންނާނީ އަހަރަކު ދެ ފަހަރު
މުހައްމަދު އާދަމް އަހްމަދު
18 އޯގަސްޓް 2024 - 16:09:31
ސިޓީތަކާއި އަތޮޅު އަދި ރަށު ކައުންސިލްތަކުގެ މެންބަރުންގެ ބައި-އިލެކްޝަންތައް ކައިރި ކައިރީގައި ބޭއްވުމުގެ ބަދަލުގައި އަހަރަކު ދެ ފަހަރު އެ އިންތިހާބުތައް ބާއްވާ ގޮތަށް ގާނޫނަށް ގެނައި ބަދަލު ރައީސް ތަސްދީގުކުރައްވައިފިއެވެ.
Advertisement
ގާނޫނުގައި މިހާރު އޮންނަ ގޮތުން ކައުންސިލް ނުވަތަ އަންހެނުންގެ ތަރައްގީ އަށް މަސައްކަތް ކުރާ ކޮމިޓީގެ ގޮނޑިއެއް ހުސްވާތާ 60 ދުވަހުގެ ތެރޭގައި ބައި އިލެކްޝަން ބާއްވަން ޖެހެ އެވެ.
ނަމަވެސް އެކަން އަހަރު ދެ ފަހަރު ބާއްވާ ގޮތަށް ބަދަލު ކުރުމަށް ލާމަރުކަޒީ އުސޫލުން އިދާރީ ދާއިރާތައް ހިންގުމުގެ ގާނޫނާއި ލޯކަލް ކައުންސިލް އިންތިހާބުގެ ގާނޫނަށް ސަރުކާރުގެ ފަރާތުން އިސްލާހުތަކެއް ހުށަހަޅާފައި ވެ އެވެ.
މި ދެ ގާނޫނު އިސްލާހު ކުރަން މަޖިލިހުގެ މިއަދުގެ ޖަލްސާގައި ވޯޓު ދެއްވީ 67 މެންބަރުންނެވެ. އެ އިސްލާހުތައް ފާސްކުރަން ނުފެންނަ ކަމަށް ހަތް މެންބަރުން ވޯޓު ދެއްވި އެވެ.
މި އިސްލާހުތަކާއެކު ބައި އިލެކްޝަން ބާއްވަން ޖެހޭނީ 183 ދުވަހުގެ މުއްދަތެއްގެ ތެރޭގަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
