ރާޅާ އެޅުމުން، އޭޝިއަން ގޭމްސްއިން މެޑައްޔަކަށް އުއްމީދު ކުރައްވާ ކަމަށް ވަޒީރު ވިދާޅުވީ މާލެ އަތޮޅު ތުލުސްދޫގައި ފެށި، އޭޝިއަން ސާފިން ޗެމްޕިއަންޝިޕް ހުޅުވުމުގެ ރަސްމިއްޔާތުގައެވެ. ރާއްޖޭގައި މި މުބާރާތް ކުރިއަށްދާއިރު، މި މުބާރާތުން ރަސްމީކޮށް ފެށުމަށް، މުބާރާތް ޖަޕާނުގައި 2026 ގައި ބާއްވާ އޭޝިއަން ގޭމްސް އަށް ރާޅާ އެޅުންތެރިން ކޮލިފައިވާނެއެވެ.
"އޭޝިއަން ސާފިން ޗެމްޕިއަންޝިޕުން އަޅުގަނޑުމެންގެ ސާފަރުން މެޑަލް ހޯދަމުން ދާތީ، އޭޝިއަން ގޭމްސް އަށް ކޮލިފައިވުމަށް ރާއްޖޭގެ އެތުލީޓުންގެ އެންމެ މަތީ ފެންވަރު ދައްކާނެ ކަމާމެދު އަޅުގަނޑު ޝައްކެއް ނުކުރަން،" ވަޒީރު ވިދާޅުވިއެވެ.
އޭޝިއަން ސާފިން ޗެމްޕިއަންޝިޕުގައި ރާއްޖެއިން 14 އެތުލީޓުން ވާދަކުރެއެވެ.
އޭޝިއަން ސާފިން ޗެމްޕިއަންޝިޕް އެންމެ ފުރަތަމަ ރާއްޖޭގައި ބާއްވާފައިވަނީ މިދިޔަ އަހަރުއެވެ. މިދިޔަ އަހަރުވެސް މި މުބާރާތް ބާއްވާފައިވަނީ ތުލުސްދޫގައެވެ. މިދިޔަ އަހަރުގެ އޭޝިއަން ސާފިން ޗެމްޕިއަންޝިޕްގައި ރާއްޖެއަށް އޭޝިއަން ރޭންކިންގެ ސިލްވަރ މެޑަލް ލިބިފައިވާއިރު ޓީމް އިވެންޓުން ބްރޯންޒް މެޑަލްވެސް މިދިޔަ އަހަރުގެ މުބާރާތުން ރާއްޖެއަށް ވަނީ ލިބިފައެވެ. އަދި މީގެ އިތުރު މެންސް ކެޓަގަރީގެ ބްރޯންޒް މެޑަލް ރާއްޖޭގެ ހުސެއިން އަރީފު (އިބޫ) އަށް ވަނީ ލިބިފައެވެ.
