ބުޅާ ހިފައި އޭގެ މަހުން ކާތެކެތި ހަދާ ވިއްކި މި މައްސަލަ ގުޅިގެން އިމިގްރޭޝަނުން ހޯދަމުން އައީ އަރަފާތު ހޮސައިން ކިޔާ މީހެކެވެ. މީ ބަންގްލަދޭޝްގެ ރައްޔިތެކެވެ. އުމަރަކީ 32 އަހަރެވެ.
މީނާއާ ގުޅޭ ވާހަކަތަކެއް ފެލީން ވެލްފެއާ އޯގަނައިޒޭޝަނުން އެކްސްގައި ކުރި ޕޯސްޓެއްގައި ވަނީ ހިއްސާކޮށްފައެވެ. އެ ޕޯސްޓްގައި ވަނީ މި މީހާއަކީ ގަވާއިދާ ހިލާފަށް މާލޭ ވަޅޯމަސް މާރުކޭޓުގައި މަސައްކަތް ކުރަމުންދާ މީހެއް ކަމަށެވެ. އަދި މީނާ ވަނީ ބުޅާ ކަތިލައި، އޭގެ މަހުން ކާއެއްޗެހި ތައްޔާރުކޮށް ޕާރުސަލް ހަދައިގެން ވިއްކާފައި ކަމަށެވެ.
ފުލުހުން ބުނީ އެ މީހާ ހޯދާ މިއަދު ހައްޔަރުކޮށްފައިވާކަމަށެވެ.
އިމިގްރޭޝަނުން ބުނީ މި މީހާ އަތުލައިގަތީ އެ އިދާރާގެ އިންޓެލިޖަންސަށް ލިބުނު މައުލޫމާތާ ގުޅިގެން ފުލުހުންގެ އެހީތެރިކަމާއެކުކަމަށެވެ.
މި މީހާގެ މައްސަލަ ފެންމަތިވުމުން އެ މައްސަލަ ފުލުހުންނަށް ހުށައެޅި އެނިމަލް ވެލްފެއާ މިނިސްޓްރީންނެވެ.
