މާލޭ މަގުތަކުގައި އުޅޭ ބުޅާތައް ހިފައިގެން އޭގެ މަހުން ކާތަކެތި ހަދާކަމުގެ ތުހުމަތުގައި ހައްޔަރުކުރީ އަރަފާތު ހޮސައިން ކިޔާ މީހެކެވެ. މީ ބަންގްލަދޭޝްގެ ރައްޔިތެކެވެ. އުމުރަކީ 32 އަހަރެވެ.
އިމިގްރޭޝަނުން ބުނީ މި މީހާ އަތުލައިގަތީ އެ އިދާރާގެ އިންޓެލިޖަންސަށް ލިބުނު މައުލޫމާތާ ގުޅިގެން ފުލުހުންގެ އެހީތެރިކަމާއެކުކަމަށެވެ.
ފުލުހުން ބުނީ މިމިހާ އަތުލައިގަތީ ދިލްބަހާރު މަގުގައި ހުންނަ "އަހާނާ ހެއާ ސްޓައިލް" ކިޔާ ބޯކޮށާ ތަނެއްގައި ތަނެއްގައި ހުއްޓާކަމަށެވެ.
އޭނާ އެތަނަށް ގޮސް އެދިފައިވަނީ އޭނާގެ ސިފަ ބަދަލުކުރުމަށް ބޯ ބާލާ ދިނުމަށެވެ. އަދި އެތަނަށް އޭނާ ގޮސްވެސް ހުރީ ކާކުކަން އޮޅުވާލުމަށް ބޮލުގައި ތޮއްޕެއްވެސް އަޅައިގެންނެވެ.
މާލޭގައި އެންމެ ގިނަ އަދަދަކަށް ބުޅާ އުޅޭ މޭރީ ބްރައުން ކުރިމަތިން އޮންނަ ސަރަހައްދުގައި މި މީހާ ކޮތަޅެއް ހިފައިގެން އުޅޭތަން ފެންނަ މަންޒަރު ވަނީ އާއްމުވެފައެވެ. އަދި މީނާ ބުޅާ ކަންކަން ުއޅޭ ބަދިގޭގެ ބައެއް މަންޒަރުތައްވެސް ވަނީ އާއްމުވެފައެވެ. އެތަނުގެ މުޑުދާރުކަމާއި އެތަނުގައި ހުރި އެއްޗެތީގެ ނުސާފުތާހިރުކަން މި ފޮޓޯތަކުން އެނގެެެވެ.
ބުޅާ މަހުން އެއްޗެހި ހަދާ ވިއްކާ މީހާގެ ވާހަކަތައް އައިއިރު އިއްޔެ ވަނީ ދިވެހިންނަށް ކޮށި ފޯއް ވިއްކަމުންދިޔަ ބަޔަކު އެ މަސައްކަތް ކުރާތަން އިމްގްރޭޝަނުން ދައްކާލާފައެވެ. އެމީހުން ފޯކޮށަމުން އައި ކުޑަކުޑަ ކޮޓަރިގަދެއްގެ ތެރޭގައެވެ. އަދި އެކަން ކުރަނީ އެމީހުން ބޭނުންކުރަމުން އަންނަ ފާހަނާ ދޮރުމަތީގައެވެ.
