ޑޮލަރުގެ ދަތިކަން އޮތްނަމަވެސް ރާއްޖެއިން ބޭރުގައި ކިޔަވަމުންދާ ދަރިވަރުންނަށް ފައިސާ ދެއްކުމަށް ޑޮލަރު ދޫކުރަން އިސްކަންދީގެން އެގޮތަަށް އެކަންކުރަމުން އަންނަކަމަށް މަތީ ތައުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވަޒީރު ޑރ. މަރްޔަމް މާރިޔާ ވިދާޅުވެއްޖެއެވެ.
Advertisement
ވަޒީރު މިހެން މި ވިދާޅުވީ ދަރިވަރުންނަށް ލޯނަށް ބޭނުންވާ ޑޮލަރު ނުލިބި ދަތިތަކާއި ކުރިމަތިވަމުންދާކަމަށް ބައެއް ކުދިންގެ ބުނަމުން އަންނަ ވަގުތެއްގައެވެ.
ވަޒީރު މާރިޔާ ވިދާޅުވީ ޑޮލަރުގެ ތާށިކަން އޮތްނަމަވެސް ސަރުކާރުން އިސްކަންދީފައިވަނީ ދައުލަތަށް ލިބޭ ޑޮލަރުން ކުދިންނަށް ދޫކުރުމަށް އިސްކަން ދިނުމަށްކަމަށެވެ.
" ހަމަ ވަރަށް ރަގަނޅަށް އަޅުގަނޑަށް ދެންނެވޭނީ ޑޮލަރުގެ ތާށިކަމެއް މިވަގުތު ހަމަ އޮތް ނަމަވެސް ، ކުދިންނަށް އިސްކަންދީފައި އޮތީ ހަމަ ޑޮލަރު ބޭނުންކުރުމުގައި އެހެންވީމާ އެކުދިންގެ ތައުލީމަށް ހަމަ އެއްވެސް ދައްޗެއް ނުވާނެ. " މާރިޔާ ވިދާޅުވިއެވެ.
ދަރިވަރުންނަށް ފައިސާ ދިނުމުގައި ބައެއް ފަހަރަށް ލަސްވަނީ އެކުދިން ހުށައަޅަންޖެހޭ ލިޔުންތަކުގައި މައްސަލަތައް ހުރުމުން އެކަން ބެލުމަށްކަމަށެވެ.
