ނޭޝަނަލް ޑިޒާސްޓާ މެނޭޖްމަންޓް ސެންޓަރު (އެންޑީއެމްއޭ) އިން ބުނީ އުތުރު 6 ރަށެއްގައި ފެންބޮޑުވެ ގެއްލުންތައް ކުރިމަތިވިކަމށެވެ. އެގޮތުން ހއ. ހޯރަފުށީގެ 2 ގެއަކަށް, ހދ ކުޅުދުއްފުށީގެ 57 ގެއަކަށް, ށ.ފީވަކުގެ 5 ގެއަކަށް އަދި ށ.ނޫމަރާގެ 5 ގެއަކަށް ފެން ވަދެ ހިފާ ގެންގުޅޭ ތަކެއްޗަށް ގެއްލުންވެފައިވާކަމަށެވެ. އަދި ފެންބޮޑުވެ މީހުންނަށް ދިރި ނޫޅެވިގެން ކުޅުދުއްފުށީގެ 5 ގެއަކުން މީހުން ބަދަލުކުރަން ޖެހުނުކަމަށްވެސް އެންޑީއެމްއޭއިން ބުނެއެވެ.
ރޭ ކުރި ވިއްސާރާގައި އެންމެ ބޯކޮށް ވާރޭވެހުނު ކުޅުދުށްފުއްޓަށް 118.9 މިލިމީޓަރުގެ ވާރޭ ވެހުނުކަމަށް މޫސުމާއި ބެހޭ ގައުމީ އިދާރާއިން ބުނެއެވެ. ދެން އެންމެ ބޯކޮށް ވާރޭވެހުނީ އެ އަތޮޅު މަކުނުދޫއަށެވެ. އެރަށަށް 91 މިލިމީޓަރުގެ ވާރޭވަނީ ވެހިފައެވެ.
ރޭ ކުރި ވިއްސާރާގައި އެންމެ ބޮޑަށް ގެއްލުންވީ އުތުރުގެ ރަށްތަކަށް
ރޭ އެންމެ ވައި ގަދަވީ އދ. މާމިގިއްޔަށެވެ. ވިލާގަނޑުގައި އެރަށަށްވަނީ 45 މޭލަށް ވައިޖެހިފައިވާކަމަށް މެޓްގެ ހިސާބުތަކުން ދައްކައެވެ.
މުޅި ރާއްޖެއަށް ކުރަމުންދާ ވިއްސާރަ މިއަދުން ފެށިގެން ރަނގަޅުވާން ފަށާނެކަމަށް މޫސުމާއި ބެހޭ ގައުމީ އިދާރާއިން ބުނެއެވެ.
