ހުޅުމާލޭ ދެވެނަ ފިޔަވަހިން ހަމަޖެއްސި ބިމާއި ޓްރާންސްޕޯޓް މިނިސްޓްރީގެ ފަރާތުން ހަވާލެވެޑައިގަތީ މިނިސްޓަރު މުހައްމަދު އަމީންއެވެ. އެޗްޑީސީގެ ފަރާތުން ބިން ހަވާލުކޮށްދެއްވީ ކުންފުނީގެ މެނޭޖިން ޑިރެކްޓަރު ފަޒުލް ރަޝީދުއެވެ.
ބިމާއި ހަވާލުވެޑައިގަތުމަށްފަހު ނޫސްވެރިންނާއި ވާހަކަ ދައްކަވަމުން މިނިސްޓަރު އަމީން ވިދާޅުވީ މާލޭގައި ރަޖިސްޓްރީ ނުކޮށް މަގުމަތީ ހުންނަ ވަހިކަލްތަކާއި ޒޯން އަޅުވާލައިގެން ހުންނަ ވެހިކަލްތަކާއި ނަމްބަރު ޕްލޭޓް ނުބައިކޮށް ހުރި ވެހިކަލްތައް އެ ސަރަހައްދަށް އަމިއްލައަށް ގެންނަ މިނިސްޓްރީން އާއްމުކޮށް މިއަދު އިއުލާންކުރާނެކަމަށެވެ. އަދި މިތަނަކީ ދާއިމަށް ދެވޭ ޖާގައެއް ނޫންކަންވެސް މިނިސްޓަރު އަމީން ވިދާޅުވިއެވެ.
ވަގުތީ ގޮތުން ވެހިކަލްތައް ޕާކުކުރަން ހުޅުމާލެ އިން ޓްރާންސްޕޯޓަށް ދިން ބިމުގެ އެއްބަސްވުން ބަދަލުކުރަނީ
މިނިސްޓަރު އަމީން ވިދާޅުވީ މި ބިމަކީ 40،000 އަކަފުޓޫގެ ބިމެއްކަމަށެވެ. އަދި މި ތަނުގައި 200 ވަރަކަށް ވެހިކަލް އެއް ފަހަރާ ޕާކުކުރެވޭނެކަށެވެ. އަދި މިތަނުގައި ވެހިކަލް ޕާކުކުރަން މިއަދު ހުޅުވާލާނެކަމަށާއި އެ ސަރަހައްދު ފުލުހުން ބަލަހައްޓަމުން ގެންދާނެކަމަށެވެ.
