ޒިޔާދު އެމްޓީސީސީން ވަކިކޮށް އޭނާ އައްޔަންކޮށްފައިވަނީ އެންވަޔަރަމަންޓް މިނިސްޓްރީގެ ސްޓޭޓް މިނިސްޓަރަކަށެވެ. ޒިޔާދު މަގާމުން ވަކިކުރި ސަބަބެއް އަދި ސާފެއް ނުވެއެވެ.
އެމްޓީސީސީގެ ޗީފް އެގްޒެކެޓިވް އޮފިސަރު(ސީއީއޯ) އަދި މެނޭޖިން ޑިރެކްޓަރުގެ މަގާމަށް އަބްދުﷲ ޒިޔާދު އައްޔަންކުރީ މިދިޔަ ނޮވެމްބަރު 28 ވަނަދުވަހުއެވެ.
އެމްޓީސީސީގެ އާ ސީއީއޯ އަދި މެނޭޖިން ޑިރެކްޓަރުގެ މަގާމަށް އައްޔަން ކުރެއްވި ސައުދީ އެންމެ ފަހުން ހުންނެވީ ޑރ މުއިއްޒުގެ މޭޔަރުކަމުގައި މާލޭ ސިޓީ ކައުންސިލްގައެވެ. އޭރު ސައުދީ ހުންނެވީ މާލޭގެ މަގުމަތީގެ އެކިއެކި ކަންކަން ބަލަހައްޓަން މޭޔަރުކަމުގައި ރައީސް މުއިއްޒު އުފެއްދި "މަގުފާރަވެރިން" ގެ ޔުނިޓް "ކޮމިޔުނިޓީ އެންގޭޖްމެންޓް ޔުނިޓް" ގެ އެންމެ އިސްވެރިޔާގެ ގޮތުގައެވެ.
ސައުދީ ވަނީ ރައީސް ޔާމީންގެ ވެރިކަމުގައި ޑެޕިއުޓީ ކޮމިޝަނަރު އޮފް ޕޮލިސްގެ މަގާމު ފުރުއްވާފައެވެ. ރިޔާސީ ލޮންޗުކޮޅުގައި އެއްޗެއް ގޮއްވާލީ ތަހުގީގުތަކާއި ގުޅިގެން އޭރު ގެނައި ބަދަލުތަކާއި އެކު 2018 ވަނަ އަހަރުގެ ކުރީކޮޅު ސައުދީ ވަނީ ފުލުހުންގެ އިދާރާ ހިންގުންވެސް ހަވާލުކޮށްފައެވެ. އެެހެންނަމަވެސް އެ މަގާމުން ވަކިވުމަށް އެދުމުން ފަހުން އޭނާވަނީ ޔޫތު މިނިސްޓްރީގެ ޑެޕިއުޓީ މިިނިސްޓަރަކަމަށް އައްޔަންކޮށްފައެވެ.
