މިއަދު ފިޝަރީޒް މިނިސްޓްރީން ބޭއްވި ނޫސްވެރިންގެ ބައްދަލުވުމުގައި ޝިޔާމްވަނީ ރާއްޖެއަކީ ސަސްޓެއިނަބަލް ފިޝަރީޒް ގެ ޗެމްޕިއަނުންކަމަށްވީނަަމަވެސް ދެމެހެއްޓެނިވި މަސްވެރިކަން ނުވަތަ ސަސްޓެއިނަބަލް ފިޝިން ހަރުދަނާކުރުމަށް ފާއިތުވި 12 އަހަރުދުވަސް ތެރޭ މަސައްކަތް ނުކުރެވިފައިވާކަމަށެވެ.
ޝިޔާމް ވަނީ 12 އަހަރު ދުވަސްވަންދެން ދެމެހެއްޓެނިވި މަސައްކަތް، ވަކިން ހާއްސަކޮށް މަސްވެރިކަން ކުރާ ބަޔަކަށް އެހެން ބަޔެއް ދާ އަޅާ ގައުމުތަކާ އަދި ލޭނު މަސްވެރިކަން ކުރާ ފަރާތްތަކަަށް ދޭ ލުއިތައް ރާއްޖެއަށް ނުލިބެންވީ ކީއްވެތޯ ސުވާލު ކުރައްވައިފަ އެވެ.
މިނިސްޓްރީން މަސައްކަތް ކުރަން ބޭނުންވަނީ މަސްވެރިކަން ޑައިވާސިފައި ނުވަތަ ސިންދިފާތު ކުރަން ކަމަށް ފާހަަގަކޯށް ޝިޔާމް ވިދާޅުވީ ދުނިޔޭގެ ގިނަ ގައުމުތަކުގައި ކުރާ މަސްވެރިމައް،،ކަޅު ބިލަ މަހުގެ ކޮމްޕެޓިޓަރުން ލޭނު މަސްވެރިކަމުގައި އުޅޭކަމަށެވެ. ރާއްޖޭގައި ލޭނު މަސްވެރިކަމަށް އަނެއްކާވެސް ހުޅުވާލާއިރު ކުރީގައި ލޭނު މަސްވެރިކަން ކުރިއިރު އުނދަގޫތަކެއް ހުރިކަަމަށް ޝިޔާމް ފާހަގަކުރެއްވި އެވެ.
ޝިޔާމް ވިދާޅުވީ ލޭނު މަސްވެރިކަމުގައި ރަނގަޅު ކުރަން ޖެހޭ ހުރިކަން ގަބޫލުފުޅުކުރައްވާކަމަށާއި ދވެހިންނަށް އިތުރު ފުރުސަތުތަކެއް އެ މަސްވެރިމަކުގެ ބާވަތުގައި ލިބެން ޖެހޭކަމަށެވެ. އެގޮތުން ރާއްޖޭގައި ވަކިްނ ހާއްސަކޮށް ކަންނެލި މަސްވެރިކަމުގައި އުޅުއްވާ ފަރާތްތަކުގެ ތެރެއިްނވެސް ވަރަށް ގިނަ ބޭފުޅުން ލޭނު މަސްވެރިކަމަށް ދިޔުމުގެ ހިޔާލު ގެންގުޅުއްވާކަމަށް މިނިސްތަރު ވިދާޅުވި އެވެ.
ރާއްޖެއަކީ 99 އިންސައްތަ ކަނޑު ވެއްޖެކަމުގައި ވާނަަމަ ކަނޑުގެ ރޯދިން އިތުރުކުރަން ޖެހޭ ކަންތައްތައް، ކުރަންޖެހޭކަން ހުންނާނެކަން ދިވެހި ރައްޔިތުންވެސް ދެކޭނެކަމަށް ގަބޫލުފުޅުކުރައްވާކަމަށް ޝިޔާމް ވިދާޅުވި އެވެ.
ދިވެހިރާއްޖޭގައި ކަނޑުތަކުގައި ލޭނުގެ މަސްވެރިކަން ކުރުމަށް ހުއްދަ ދިނުމަށް ފިޝަރީޒް މިނިސްޓްރީން ނިންމި ނިންމުން މުރާޖާކޮށް އެކަން ނުކުރުމަށް ރާއްޖޭގެ ތިމާވެއްޓާ ގުޅޭ 18 ޖަމިއްޔާއަކުން ސަރުކާރަށް ވަނީ ގޮވާލާފަ އެވެ. އެ ޖަމްއިއްޔާތަކުން ބުނީ ލޭނު މަސްވެރިކަން ކުރަން ހުއްދަދިނުމަކީ ކުރަން ހެޔޮވާވަރުގެ ކަމެއް ނޫން ކަމަށާއި އޭގެ ސަބަބުން ރާއްޖެ އަށް އިޔާދަނުކުރެވޭނެ ވަރުގެ ބޮޑެތި ގެއްލުންތައް ލިބިގެން ދާނެކަމަށެވެ.
