މި ދެ ރަށުގެ ޕޮލިސް ޕޯސްޓް ހުޅުވާދެއްވާފައި ވަނީ ކޮމިޝަނަރު އޮފް ޕޮލިސް އަލީ ޝުޖާއު އެވެ.
ފުލުހުން ބުނީ، ޕޮލިސް ޕޯސްޓް އުފެއްދުމަކީ، މުޖުތަމައުގެ ރައްކާތެރިކަން އިތުރުކުރުމާއި، ގާނޫނު ތަންފީޒުކުރުމުގައި އެއްބާރުލުންދިނުމަށް ހިތްވަރުދިނުމުގައި ފުލުހުންގެ ވައުދު އިތުރަށް ވަރުގަދަވެގެންދާ ކަމެއް ކަމަށެވެ.
މި ރަސްމިއްޔާތުގައި ކޮމިޝަނަރު އޮފް ޕޮލިސް އަލީ ޝުޖާއުގެ އިތުރުން ފުލުހުންގެ އިސް އޮފިސަރުންނާއި އެކި މުއައްސަސާތަކުގެ އިއްޒަތްތެރިން ވެސް ވަނީ ބައިވެރިވެވަޑައިގެންފަ އެވެ.
މީގެ ކުރިން ރައީސް ޑރ. މުހައްމަދު މުއިއްޒުގެ ސަރުކާރުގެ ހަފުތާ 14 އިގެ ދަށުން މިއަހަރުގެ ފެބުރުވަރީ މަހު ވަނީ 19 ޕޮލިސް ޕޯސްޓު ހުޅުވައި ހިދުމަތްދޭން ފަށައިފަ އެވެ.
2023 ވަނަ އަހަރުގެ ޑިސެންބަރު މަހުން ފެށިގެން މި އަހަރުގެ މިހާތަނަށް ޕޮލިސް ޕޯސްޓު ހުޅުވައި ހިދުމަތްދޭން ފަށާފައިވަނީ ހއ. ފިއްލަދޫ، ހދ. ކުރިނބި، ހދ. ނެއްލައިދޫ، ށ. ޅައިމަގު، ނ. ޅޮހި، ނ. ހެނބަދޫ، ނ. މާޅެންދޫ، ނ. މިލަދޫ، ބ. މާޅޮސް، ބ. ކިހާދޫ، ބ. ކުޑަރިކިލު، ބ. ހިތާދޫ، ވ. ތިނަދޫ އަދި ވ. ފުލިދޫ، ދ. ހުޅުދެލި، ތ. ވަންދޫ، ތ. ގާދިއްފުށި، ލ. މާބައިދޫ، ގއ. ކޮނޑޭގައި އެވެ.
