މާލޭގައި އުޅޭ ބުޅާ ހިފާ އޭގެ މަހުން ކާތަކެތި ހެދިކަމުގެ ތުހުމަތުގައި މިދިޔަ އަންގާރަދުވަހު ވަނީ ބަންގަލަދޭޝް ރައްޔިތަކު ހައްޔަރުކޮށްފައެވެ. އަދި މި ވާހަކަތަކާއި ގުޅިގެން ގިނަ ބައެެއްގެ މަދުގައި ކަންބޮޑުވުން ފާޅުކޮށްފައެވެ.
ނޫސްވެރިންނާއި ވާހަކަ ދައްކަވަމުން މި ވާހަކަތަކާއި ގުޅިގެން ހެލްތް މިނިސްޓަރު ޑރ ހަލީލް ވިދާޅުވީ ބިދޭސީއަކު ބުޅާމަހުން ކާތަކެތި ހެދިކަމަށް ވާހަކަ ދެކެވުނުނަމަވެސް އެކަން މިހާތަނަށް ކަށަވަރުކުރެވިފައި ނުވާކަމަށެވެ. އެހެންނަމަވެސް ކަމާއި ގުޅޭ އިދާރާތަކުން އެ މައްސަލަ ބަލަމުން އަންނަކަމަށްް މިނިސްޓަރު ވިދާޅުވިއެވެ.
މިނިސްޓަރު ހަލީލް ވަނީ ބިދޭސީން ހިންގާ ކެފޭއަކާއި ގުޅިގެން ދެކެވުނު އެހެން މައްސަލައެއް ބަލާފައިވާކަންވެސް ފާހަގަކުރައްވާފައެވެ. އެގޮތުން ދުފައިރު ބޭނުންކުރާ ހުނީގެ ބަދަލުގައި ކޯނިސް ޕައުޑަރުދޭކަމަށް ބުނާ މައްސަލަ ބެލިއިރު އެ ހަގީގަތެއް ނޫންކަން އެނގިފައިވާކަމަށްް މިނިސްޓަރު ހަލީލް ވިދާޅުވިއެވެ.
ގަވައިދާ ހިލާފަށް އުޅޭ ބިދޭސީން ހޯދުމަށް ހިންގާ އޮޕަރޭޝަންތަކުގައި އިމިގްރޭޝަނުން ދަނީ ހަޑިމުޑުދާރު ތަންތާގައި ކާއެއްޗެތި ހަދާ ދިވެހިންނަށް ވިއްކަމުންދިޔަ ގިނަ އަދަދެއްގެ ބީދޭސީ އަތުލައިގަންނަމުންނެވެ.
