ކ. ތުލުސްދޫގައި މިހާރު ކުރިއަށްދާ އޭޝިއަން ސާފިން ޗެމްޕިއަންޝިޕްސްގެ ފިރިހެން އޯޕަން އާއި އަންހެން އޯޕަން ބައިން ވެސް 12 ސާފަރުން އޭޝިއަން ގޭމްސް އަށް ކޮލިފައި ވާއިރު، ރާއްޖޭގެ އަންހެން އަދި ފިރިހެން ސާފަރުންވެސްވަނީ އޭޝިއަން ގޭމްސްގެ ސްލޮޓް ޔަގީންކޮށްފައެވެ.
ސާފިންއިން ހޯދާފައިވާ ކާމިޔާބީއަށް ރައީސްވަނީ މިއަދު ސާފަރުންނަށް މަރުހަބާ ވިދާޅުވެފައެވެ.
ބުރާސްފަތި ދުވަހު ކުރިއަށް ދިޔަ ފިރިހެން އޯޕަން ބައިގެ ކުއާޓާ ފައިނަލްގައި ދެކުނު އޭޝިއާގެ ދެ ސާފަރުން ވާދަ ކޮށްފައިވެ އެވެ. އެއީ ދިވެހި ގައުމީ ޓީމުގެ ހޫދު އަހުމަދު (ހޫބްޒް) އާއި އިންޑިއާގެ ހަރީޝް މުތޫ އެވެ. ނަމަވެސް ދެ ސާފަރުން ވެސް ސެމީ އަށް ހޮވިފައެއް ނުވެ އެވެ.
ފިރިހެން އޯޕަން ބައިގައި ގައުމީ ޓީމުގެ އެތުލީޓުންގެ ގޮތުގައި ރާއްޖޭގެ ތިން ސާފަރުން ވާދަ ކޮށްފައިވެ އެވެ. ކުއާޓާ އަށް ނުގޮސް އަހުމަދު އާގިލް (އަންމަޑޭ) އާއި އިސްމާއިލް މިގްލާލް (ކުޑަ އިއްސެ) ކެޓީ ހަތަރުވަނަ ބުރުންނެވެ.
މިއަހަރުގެ މުބާރާތުން (އަންހެން އަދި ފިރިހެން ވެސް، ކޮންމެ ޑިވިޝަނަކުން) 12 ގައުމަކާއި އަންނަ އަހަރުގެ މުބާރާތުން ވެސް 12 ގައުމު ހިމެނޭ ގޮތަށް (އަންހެން އަދި ފިރިހެން ވެސް، ކޮންމެ ޑިވިޝަނަކުން) ޖުމްލަ 24 ޖާގަ، ނަގޯޔާ އާއި އައިޗީ ސިޓީގައި ބާއްވާ ގޭމްސްއިން ދޭނެ އެވެ.
