Advertisement

ކ. ތުލުސްދޫގައި ކުރިއަށްދާ އޭޝިއަން ސާފިން ޗެމްޕިއަންޝިޕްގެ ޖޫނިއާ ކެޓަގަރީ (18 އަހަރުން ދަށް) ރާއްޖޭގެ ތިން ސާފަރަކު ވާދަކުރި އެވެ. އޭގެ ތެރެއިން ކަޔާން ޒަކީ ސެމީ ފައިނަލަށް ދަތުރުކުރީ ކުއާޓާ ފައިނަލްގެ ހީޓު ދޭއްގެ ދެ ވަނަ ހޯދައިގެންނެވެ.

ކަޔާން ސެމީއަށް ދިޔައީ 9.64 ޕޮއިންޓް ހޯދައިގެންނެވެ. އެއް ވަނަ ހޯދި، ފިލިޕީންސްގެ ޓްރޯއި އެސްޕެޖޯން ވަނީ ހަތް ރާޅުގައި އަޅައި، އެންމެ ރަނގަޅު ދެ ރާޅުގެ ސްކޯއިން، 11.10 ޕޮއިންޓް ހަމަކޮށްފަ އެވެ. ކަޔާން ޒަކީ، އަށް ހަތަރު ރާޅުގައި އަޅައިގެން، އެންމެ ރަނގަޅު ދެ ރާޅުގެ ސްކޯއިން، ހަމަކުރެވުނީ، 9.64 ޕޮއިންޓެވެ. މި ހީޓުގެ ތިން ވަނަ ހޯދި، ލަންކާގެ ކަނަޕަތީ ޖޭ އަށް ހަ ރާޅުގައި އަޅައިގެން، އެންމެ ރަނގަޅު ދެ ރާޅުން ސްކޯކުރެވުނީ، 8.06 ޕޮއިންޓެވެ.