އިތުރުވަގުތުގެ ތެރޭގައި ޖަރުމަނުގެ މިޑްފީލްޑަރު، ފްލޯރިއަން ވާޓްޒް ވައްދާލި ލަނޑާއެކު ބަޔާ ލެވަކޫސަނުން ބޮރޫޝިއާ މުންޗެންގްލަޑްބަކް އަތުން މޮޅުވީ ތިން ލަނޑު ދެ ލަނޑުންނެވެ.
މިއީ އާ ސީޒަންގައި ލެވަކޫސަންގެ ދެވަނަ މޮޅެވެ. ފުރަތަމަ މޮޅަކީ މިދިޔަ ހޮނިހިރު ދުވަހު ޖަރުމަނު ސުޕަ ކަޕްގައި ޕެނަލްޓީން މޮޅުވި މޮޅުވުމެވެ. އެ މެޗުގައި މެޗުގައި ޕެނަލްޓީޖަހައިގެން ވީއެފްބީ ސްޓުޓްގާޓް އަތުން ލެވަކޫސަންވަނީ މޮޅުވެފައެވެ.
ރޭގެ މެޗުގައި ފުރަތަމަ ހާފުގައި ލެވަކޫސަނުން ދެ ލަނޑު ޖަހައި ކުރި ހޯދިނަމަވެސް، މުންޗެންގްލަޑްބަކް ވަނީ ދެ ލަނޑު ޖަހައި ލެވަކޫސަން ޕްރެޝަރަށް ވައްޓާލާފައެވެ. މި ނަތީޖާގައި އޮވެ، މެޗު ނިމެންދަނިކޮށް ލެވަކޫސަން މޮޅުކޮށްދިނީ އިތުރުވަގުތުގެ ތެރޭގައި ވާޓްޒް އެވެ.
ލެވަކޫސަން ދެން ކުޅޭ މެޗުގައި މި މަހުގެ 28 ވާ ބުދަ ދުވަހު ޖަރުމަނު ކަޕްގައި ރަށުން ބޭރުގައި ނިކުންނާނީ ކާލް ޒެއިސް ޖެނާއާ ދެކޮޅަށެވެ.
