ރައީސް މިފަދައިން ވިދާޅުވީ މަޖީދިއްޔާ ސްކޫލުގެ އަހަރީ ދުވަހާ ގުޅުވައިގެން ބޭއްވި މޮނިއުމަންޓް ހުޅުވުމުގެ ރަސްމިއްޔާރުގައި ބައިވެރިވެ ދެއްކެވި ވާހަކަފުޅުގައެވެ.
މަޖީދިއްޔާ ސްކޫލްގެ ފަހުރު ކަމަށްވާ ދާރުލްއުލޫމް ނޭޝަނަލް އެޑިއުކޭޝަނަލް މިއުޒިއަމްއެއްގެ ގޮތުގައި ތަރައްގީ ކުރަން ނިންމާފައިވާ ކަމަށް ރައީސް ވިދާޅުވި އެވެ. އަދި އެ ތަނުން ރާއްޖޭގެ ތައުލީމީ ހަޔާތުގެ ތާރީހު ދައްކުވައިދޭނެ ކަމަށް ވެސް ވިދާޅުވި އެވެ.
ސްކޫލް ދުވަސްވަރުގެ ހަގީގީ ބޭނަމަކީ ގައުމަށް ހިދުމަތްތަކެއް ކުރުމަށްޓަކައި އަދި އަމިއްލަ ހަޔާތް ބިނާ ކުރުމަށްޓަކައި، މުޖްތަމައަށް ފައިދާ ހުރި ކަންތައް ކޮށްދިނުމަށްޓަކައި ތައުލީމު ހާސިލް ކޮށް ތަމްރީން ވެގެން ނިކުތުން ކަމަށް ރައީސް ޑރ. މުހައްމަދު މުއިއްޒު ވިދާޅުވި އެވެ. އަދި ސްކޫލަކީ ތިމާގެ ފަރާތުން ގައުމަށްކޮށްދެވޭނީ ކޮންކަމެއްތޯ ވިސްނާ ފިކުރުކޮށް އެކަމެއް ކޮށްދިނުމަށް ތައްޔާރުވާން ވަންނަތަނެއް ކަމަށް ރައީސް މުއިއްޒު ވިދާޅުވި އެވެ.
ރައީސް ވިދާޅުވީ މަޖީދިއްޔާ ސްކޫލުުން ކިޔެވި ކޮންމެ ދަރިވަރަކު ކިޔަވާފައި ވަނީ އަދި ކިޔަވަމުން ދަނީ ވަރުގަދަ އަޒުމްގައި ކަމަށެވެ.
ވަރުގަދަ އަޒުމެއްގައި މަސައްކަތް ކުރުމަކީ ހަަމައެކަނި ތައުލީމީ ހަޔާތަށް އޮތް މެސެޖެއްް، މޮޓޯއެއް ނޫން ކަމަށާއި އެއީ ހަަމައެކަނި ކިޔަވަމުން ދާއިރުގައި ހަނދާނުގައި ބަހައްޓަމުން ދާންވި ކަމެއްވެސް ނޫން ކަމަށް ރައީސް ފާހަގަކުރެއްވި އެވެ.
މާތް ﷲ އަންގަވާފައިވަނީ އަޅުންނަށް ހިތްމަތާ އެކީގައި މަސައްކަތް ކުރުމަށް ކަމަށް ފާހަގަކޮށް ރައީސް ވިދާޅުވީ އަޅުންނަށް އޮތީ މަސައްކަތް ކުރުން ކަމަށެވެ. އަދި އެމީހެއްގެ ކެރި ކުޅާދާނަކަން ހުރި އެންމެ މަތީ މިންވަރަަކަށް މަސައްކަތް ކުރުމަށްފަހު ﷲ ހެ ހަޒްރަތުގައި ވަކީލުކޮށް އެ އަޒުމުގައި މަސައަކަތް ކޮށްފިއްޔާ އިރާދަކުރެއްވީތީ ކާމިޔާބު އެއީ ޔަގީންކަން އޮތްކަމެއް ކަމަށް ރައީސް ވިދާޅުވި އެވެ.
ކޮންމެ މީހެއްގެވެސް އަޒުމަަކަށް ވާންވީ އެމީހެއް ގެ ހަޔާތިގައި އަދި އެމީހެއްގެ ފަރާތުން އަނެކުންނަށް ކަމެއް ކޮށްދިނުމަށްކަމަށް ރައީސް ވިދާޅުވިއެވެ. އަދި އެމީހެއްގެ ފަރާތުން މުޖްތަމައަށް ކަަމެއް ކޮށްދީ، އެމީހެއްގެ ފަރާތުން ގައުމަށް ކަމެއް ކޮށްދިނުމުގެ އަޒުމްގައި މަސައްކަތް ކުރުމަށް ރައީސް ބާރު އެޅުއްވިއެވެ.
