ރައީސް މުއިއްޒު ވިދާޅުވީ މަޖީދިއްޔާ ސްކޫލު ބާވެފައި ވާތީ، 40 ކްލާހުގެ އާ އިމާރާތެއް އަންނަ އަހަރު އިމާރާތް ކުރަން ފަށާނެ ކަމަށެވެ. އެތަން ބިނާ ކުރާނީ ކުރިން ދަރުމަވަންތަ ސްކޫލު ހުރި ބިމުގަ އެވެ.
އެ އިމާރާތުގައި ސްމާޓު ކްލާސްރޫމްތަކެއް ވެސް ހަދާނެ ކަމަށް އެ މަނިކުފާނު ވިދާޅުވި އެވެ. ދާރުލްއުލޫމަކީ ރާއްޖޭގެ ފުރަތަމަ ރައީސުލްޖުމްހޫރިއްޔާ މުހައްމަދު އަމީނު ބިނާ ކުރެއްވި ތަނެކެވެ.
މިފަދަ އަމާޒުތައް ހާސިލު ކުރެވޭނީ ނުގުޑާ ފަދަ އަޒުމެއްގައި ހުރެގެން ކަމަށް ރައީސް މުއިއްޒު ވިދާޅުވި އެވެ.
އެހެންކަމުން ކޮންމެ މީހެއްގެވެސް އަޒުމަަކަށް ވާންވީ އެމީހެއް ގެ ހަޔާތުގައި އަދި އެމީހެއްގެ ފަރާތުން އަނެކުންނަށް ކަމެއް ކޮށްދިނުން ކަމަށް ރައީސް ވިދާޅުވި އެވެ. އަދި އެމީހެއްގެ ފަރާތުން މުޖްތަމައަށް ކަަމެއް ކޮށްދީ، އެމީހެއްގެ ފަރާތުން ގައުމަށް ކަމެއް ކޮށްދިނުމުގެ އަޒުމްގައި މަސައްކަތް ކުރުމަށް ރައީސް ބާރު އެޅުއްވި އެވެ.
ރާއްޖޭގެ ފުރަތަމަ ސްމާޓް ކްލާސްތަކާއެކު މަޖީދިއްޔާގެއާ އާ އިމާރާތުގެ މަސައްކަތް އަންނަ އަހަރު ފައްޓަވާނެކަމަށް ރައީސް ޑރ. މުހައްމަދު މުއިއްޒި ރޭގެ ރަސްމިޔާތުގައި ވިދާޅުވިއެވެ. އަދި އައު އިިމާރާތުގައި 40 ކްލާސްރޫމް އަޅުއްވާނެކަމަށް ރައީސް ވިދާޅުވި އެވެ.
