ޓެކްސް ޓްރައިބިއުނަލްގެ 4 މެމްބަރުން ވަކިކުރަން ރައްޔިޔުން މަޖިލީހުން ރައީސް މުއިއްޒަށް ލަފާއެރުވީ މިމަހުގެ 19 ވަނަ ދުވަހުއެވެ. އެ ނިންމުމާއި އެއްގޮތަށް މަގާމުން ވަކިކުރިކަން ރައީސް އޮފީހުން މިއަދު ވަނީ އެ މެމްބަރުންނަށް އަންގާފައެވެ.
ޓެކްސް އެޕީލް ޓްރައިބިއުނަލުން ވަކިކުރަން ނިންމި މެމްބަރުން
- މުހައްމަދު މުނައްވަރު އަލީ / ޓްރައިބިއުނަލްގެ ރައީސް
- ހސެއިން ޒައިދާން ޖަލީލް / ޓްރައިބިއުނަލްގެ ނައިބު ރައީސް
- ހަދީޖާ ނައީމް / ޓްރައިބިއުނަލްގެ މެމްބަރު
- އަހުމަދު އަޝްރަފް / ޓްރައިބިއުނަލްގެ މެމްބަރު
ފަސް މެމްބަރުން ތިބޭ ޓްރައިބިއުނަލުން ވަކި ނުކުރަން ނިންމީ މެމްބަރު އިސްމާއީލް ސާޖިދުއެވެ. އޭނައަކީ އެ ޓްރައިބިުނަލުން ހިންގަމުންދިޔަ ބޮޑެތި ކޮރަޕްޝަންތައް މަޖިލީހުގެ ސަމާލުކަމަށް ގެނައި މެމްބަރެވެ.
މަޖިލީހުގެ ޖުޑިޝަރީ ކޮމިޓީއިން އެ މައްސަލަ ބަލާ ޓްރައިބިއުނަލް ހަތަރު މެމްބަރަކު ވަކިކުރަން ރައީސަށް ލަފާ އަރުވަން ފެންނަކަމަށް ފާސްކުރީ 63 މެންބަރުން ވޯޓުންނެވެ. އެގޮތަށް ފާސްކުރަން ނުފެންނަ ކަމަށް ވޯޓް ދެއްވީ 10 މެންބަރުންނެވެ.
ޓެކްސް ނެގުމާބެހޭ އިދާރީ ގާނޫނު އޮންނަ ގޮތުން ޓްރައިބިއުނަލަށް މެމްބަރުން އައްޔަންކޮށް، ވަކި ކުރައްވާނީ ރައީސްއެވެ.
