އެމްބާޕޭ
އެމްބާޕޭއަށް ދެވަނަ މެޗުގައިވެސް ލަނޑެއް ނުޖެހުނު
ސްޕޯޓްސް ޓީމް
26 އޯގަސްޓް 2024 - 16:22:25
ސްޕެނިޝް ލީގުގައި ކީލިއަން އެމްބާޕޭ ކުޅުނު ދެވަނަ މެޗުގައިވެސް އޭނާއަށް ލަނޑެއް ނުޖެހުނު ނަމަވެސް ރިއާލް މޮޅުވެއްޖެއެވެ.
Advertisement
އެމްބާޕޭގެ ދެވަނަ މެޗުގައި އޭނާ ނުކުތީ، ރެއާލް ވަޔަޑޮލިޑާއާ ދެކޮޅަށެވެ. މި މެޗުން ރިއާލް ތިން ލަނޑު ސުން ލަނޑުން މޮޅުވިނަމަވެސް އެމްބާޕޭއަކަށް ލަނޑެއް ނުޖެހުނެވެ. މިއީ ލަނޑެއް ނުޖެހި އެމްބާޕޭ ސްޕެނިޝް ލީގުގައި ކުޅުނު ދެވަނަ މެޗެވެ. ފުރަތަމަ މެޗުގައިވެސް އޭނާއަކަށް ލަނޑެއް ޖެހޭ ގޮތެއް ނުވިއެވެ.
ރޭ އެމްޕާބޭއަށް ލަނޑެއް ނުޖެހުނު ނަމަވެސް، އޭނާގެ ބަދަލުގައި ކުޅެން ނުކުތް، އުމުރުން 18 އަހަރުގެ ބްރެޒިލްގެ އުންމީދީ ފޯވާޑް އެންޑްރިކްވަނީ ލަނޑު ޖަހާފައެވެ. މިއީ އޭނާގެ ފުރަތަމަ މެޗުވެސް މެއެވެ.
ސްޕެނިޝް ލީގުގައި ދެ މެޗުގައިވެސް އެމްބާޕޭއަށް ލަނޑެއް ނުޖެހުނު ނަމަވެސް ރިއާލްއަށް ކުޅުނު ފުރަތަމަ މެޗުގައި އެމްބާޕޭ ލަނޑު ޖެހިއެވެ. އެއީ ސީޒަން ހުޅުވަން ކުޅުނު ސުޕަ ކަޕް މެޗެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
