ރިޔާޒު މިހެން ވިދާޅުވީ ރައީސްް ޔާމީން އިސްވެ ހުންނަވާ އުފެއްދެވި ޕީއެންއެފުން ރޭ ބޭއްވި ޖަލްސާގައި މިފަދަ މުއާމަލާތުތަކެއް ރައީސް ޑރ، މުއިއްޒާ ، ރިޔާޒާ ދެމެދު ހިންގާފައިވާކަމަށް ތަހުގީގު ރިޕޯޓްތަކުން އެނގޭކަމަށް ބުނެ ދެއްކެވި ވާހަކަތަކާއި ގުޅިގެންނެވެ.
މި ވާހަކަތަކަށް ރައްދުދެއްވާ ރިޔާޒު އެކްސްގައި މިއަދު ކުރެއްވި ޕޯސްޓެއްގައި ވިދާޅުވީ 14 މިލިޔަން ރުފިޔާއެއްގެ އެއްވެސް މުއާމަލާތެއް ފޯނުން ،މެސެޖުން ނުވަތަ އަގަބަހުން ރައީސް ޑރ. މުއިއްޒުއާއި ކޮށްފަނުވާނެކަމަށެވެ. އަދި ރޭ ދެއްކި ވާހަކަތަކަކީ ހަގީގަތެއް ނެތް ވާހަކަތަކެއްކަމަށް ރިޔާޒު ވިދާޅުވިއެވެ.
ޕީއެންއެފުން ބާއްވަމުން އަންނަ ޖަލްސާތަކުގައި މި ސަރުކާރަށް އަންނަނީ ވަރަށް ބޮޑަށް ފާޑުކިޔަމުންނެވެ. އަދި މި ސަރުކާރުގެ އިސްވެރިން ހިންގިކަމަށް ތުހުމަތުވާކަމަށް ބުނެ ބައެއް ކަރެޕްޝަންތަކުގެ މައުލޫމާތުތައްވެސް އަންނަނީ މި ބައްދަލުވުންތަކުގައި ހާމަކުރަމުންނެވެ.
