ހުސެއިން ހަލީމަކީ ކުރީގެ އެންމެ ބާރު ދުވުންތެރިޔާގެ އިތުރުން، މިހާރު އެތްލެޓިކްސް ކޯޗެކެވެ. ހުސެއިންވަނީ އެމެރިކާގެ ޑެލެވެއާ ޔުނިވާސިޓީން ކުރިއަށްގެންދިޔަ އިންޓަރނޭޝަނަލް ކޯޗިން އެންރިޗްމަންޓް ޕްރޮގްރާމް ފުރިހަމަކޮށްފައެވެ.
މޯލްޑިވްސް ނޭޝަނަލް އިންސްޓިޓިއުޓް އޮފް ސްޕޯޓްސްގެ މަސައްކަތްތަކުގެ ތެރޭގައި ކުޅިވަރުގެ ތައުލީމާއި ތަމްރީނުތައް ކުރިއަށް ގެންދިއުމާއި، ކުޅިވަރުގެ ތައުލީމާ ގުޅޭ ދިރާސާތައް ހިންގައި، އެ އިންސްޓިޓިއުޓް އިން ހިންގާ ތަމްރީނުތައް އާންމުކުރުމާއި، ކުޅިވަރުގައި ހަރަކާތްތެރިވާ މީހުންނާއި އެތުލީޓުންނަށް އެންޓި-ޑޯޕިންގެ ތައުލީމު ދިނުމުގެ އިތުރުން އެތުލީޓުންނަށް އެންޓި-ޑޯޕިން ޓެސްޓު ހެދުމަށް މަގުފަހިކޮށްދިނުމާއި، ރާއްޖޭގެ އެތުލީޓުންގެ އެންޓި-ޑޯޕިންއާ ގުޅޭގޮތުން ދެކުނު އޭޝިއާ ސަރަހައްދުގެ އެންޓި-ޑޯޕިން އޯގަނައިޒޭޝަންއާ ގުޅިގެން މަސައްކަތްކުރުން ހިމެނެއެވެ.
ރާއްޖޭގެ ކުރީގެ އެންމެ ބާރު ދުވުންތެރިޔާ، ހުސައިން ދުވުން ހުއްޓާލީ 2016 ވަނަ އަހަރު އިންޑިއާގެ ގުވަހަޓީގައި އޮތް ސައުތު އޭޝިއަން ގޭމްސްއަށް ފަހުގައެވެ.
