ޝަރުއީ ދާއިރާގެ އިދާރީ އޮފީސް ކަމަށްވާ ޑީޖޭއޭއިން މުވައްޒަފުންގެ މެދުގައި ތަފާތު ކުރުން ގެންގުޅޭ ކަމަށް ތުހުމަތު ކުރެވޭ މައްސަލައެއް ފެންމަތިވީ، މުވައްޒަފުންގެ މެދުގައި ތަފާތު ކުރުން ގެންގުޅޭ ކަމަށް ޑީޖޭއޭގެ ވަޒީފާއަކަށް ކުރިމަތިލީ އެ އިދާރާގެ މުވައްޒަފަކު ވަޒީފާއާ ބެހޭ ޓްރައިބިއުނަލަށް ހުށަހެޅި މައްސަލައެއްގެ ތެރެއިންނެވެ.
ޑީޖޭއޭގެ ސީނިއާ ލީގަލް އޮފިސަރުގެ މަގާމަށް ކުރިމަތިލީ މުވައްޒަފަކު، އޭނާގެ ވަޒީފާގެ ޝަތުރުތަކާ ގުޅިގެން ޑީޖޭއޭއިން ނިންމި ނިންމުން ވަޒީފާއާ ބެހޭ ޓްރައިބިއުނަލްއަށް ހުށަހަޅާފައިވާއިރު، މި މައްސަލަ އެ ޓްރައިބިއުނަލުން ނުބަލާވަނީ ބޭރުކޮށްލާފަ އެވެ. މި މައްސަލަ ބޭރުކޮށްލާފައިވަނީ ޑީޖޭއޭއިން ހުށަހެޅި އިޖުރާއީ ނުކުތާއަކަށް ރިއާޔަތްކޮށެވެ.
ޑީޖޭއޭއާ ދެކޮޅަށް ދައުވާ ކުރި މި މައްސަލަ މި ހަފްތާގައި ޓްރައިބިއުނަލުން ބޭރުކޮށްލާފައިވާއިރު، ޑީޖޭއޭއިން މީގެ ކުރިން ނިންމާފައިވާ ގިނަ ނިންމުންތަކެއް ކޯޓު މަރުހަލާއިން ބާތިލުކޮށްފައިވެ އެވެ.
މީގެ ދުވަސްކޮޅެއް ކުރިން ސުޕްރީމް ކޯޓުންވެސްވަނީ ޑީޖޭއޭއިން ގާނޫނާ ހިލާފަށް ވަޒީފާއިން ވަކިކުރި މުވައްޒަފުންތަކަށް އަލުން ވަޒީފާދޭން އަމުރުކޮށްފަ އެވެ.
