މިކަން ހާމަކުރެއްވީ ދާހިލީ ވަޒީރު އަލީ އިހްސާންއެވެ. މާފުށީ ޖަލުގައި ގާއިމްކުރި "ދިވެހި ސަގާފީ ގޯތި" ހުޅުވުމުގެ ރަސްމިއްޔާތުގައި ވާހަކަ ދައްކަވަމުން އިހްސާން ވިދާޅުވީ މި ސިޔާސަތަކީރައީސް ޑރ. މުހައްމަދު މުއިއްޒު ކަނޑައަޅުއްވާފައިވާ ނިންމުމެއްކަމަށެވެ. މި ނިންމުމަށް ގާނޫނުތަކާއި ގަވައިދުތަކަށް ގެންނަން ޖެހޭ ބަދަލުތައް ގެނެސް ތަންފީޒުކުރުމަށް މަސައްކަތް ކުރައްވާނެކަމަށް އިހްސާން ވިދާޅުވިއެވެ.
އިހްސާން ވިދާޅުވީ ރައީސްގެ ވިސްނުންފުޅަކީ ޖަލުގައި ގައިދީން ހޭދަކުރާ މުއްދަތުގައި މަސައްކަތެއް ދަސްކޮށްގެން އާމްދަނީ ލިބޭނެ މަގެއް ހޯދައިގެން މުޖުތަމައަށް އަނބުރާ އަވަހަށް ނުކުމެވޭނެ ބަޔަކަށް އެމީހުން ހެދުންކަމަށެވެ.
މާފުށީ ޖަލުގައި ގާއިމްކުރި "ދިވެހި ސަގާފީ ގޯތި" ހުޅުވުމުގެ ރަސްމިއްޔާތުގެ ތެރެއިން
މާފުށީ ޖަލުގައި ގާއިމްކުރި "ދިވެހި ސަގާފީ ގޯތި" ހުޅުވުވުމަށް ފަހު ވަޒީރު އިހްސާން ވިދާޅުވީ ޖަލުގައި ގައިދީން ޖަލުގައި ތައްޔާރުކުރާތަކެތި ޖަލު ތެރޭގައި އާއި އެއާޕޯޓުގައި ފަތުރުވެރިންނަށް ވިއްކޭނެ މަގުވެސް ފަހިކޮސްދެވުމުގެ މަސައްކަތް ކުރައްވާނެކެކަމަށެވެ. އަދި އެތަކތި ވިއްކައިގެން ލިބޭ ފައިސާއިން ގައިދީންނަށް އުޖޫރަ ދޭނެކަމަށްވެސް އިހްސާން ބިދާޅުވިއެވެ.
