ޑީޖޭއޭއިން ބުނެފައިވަނީ، ކޮވިޑް-19 އާއި ގުޅިގެން އިއުލާނުކޮށްފައިވާ އާންމު ސިއްހަތުގެ ކުއްލި ނުރައްކަލުގެ ހާލަތުގައި ކޮވިޑް-19 އިން ރައްކާތެރިވުމުގެ ފިޔަވަޅެއްގެ ގޮތުން ޑީޖޭއޭއިން ދެމުން އަންނަ ކުށާއި ދަރަނީގެ ރެކޯޑު ސާފުކުރުމުގެ ކަންކަމަށް ލުއިފަސޭހަ ގޮތްތަކެއް ހޯދައިދިނުމަށް ނިންމާފައިވާކަމަށެވެ.
އެގޮތުން ކުށާއި ދަރަނީގެ ރެކޯޑު ސާފުކުރުމަށް ބޭނުންވާ ފަރާތްތަކުން ފޯމު ފުރިހަމަ ކުރެއްވުމަށްފަހު އައި.ޑީ ކާޑުގެ ކޮޕީއަކާއިއެކު އީމެއިލް ([email protected]) ކުރުމުން ރެކޯޑު ސާފުކުރެވޭނޭ އިންތިޒާމް ހަމަޖައްސާފައިވާކަމަށް ޑީޖޭއޭއިން މައުލޫމާތުދެއެވެ. އަދި ރެކޯޑު ސާފުކުރުމަށްފަހު މެއިލް މެދުވެރިކޮށް ޖަވާބު ދޭނެކަމަށްވެސް ޑީޖޭއޭއިން މައުލޫމާތުދީފައިވެއެވެ.
މިކަމާއި ގުޅިގެން އިތުރު މައުލޫމާތު ހޯއްދަވަން ބޭނުންފުޅުވާނަމަ 7766768 ނަމްބަރަށް ގުޅިއިގެން މައުލޫމާތު ސާފުކުރުމަށް ޑީޖޭއޭއިން އެދެއެވެ.