ސޯޝަލް މީޑިއާގައި ކުރެއްވި ޕޯސްޓެއްގައި ރައީސް ޑރ. މުހައްމަދު މުއިއްޒު ވަނީ ޔުނިވަރސިޓީގެ ވެރިންނާއި، މުވައްޒަފުންނާއި އެދުރުންނާއި، އިސްދަރިވަރުންނާއި ދަރިވަރުންގެ އިތުރުން ބެލެނިވެރިންނަށް ދުވަހުގެ ތަހުނިޔާ ދަންނަވާފަ އެވެ.
ދިވެހިރާއްޖޭގެ ގައުމީ ޔުނިވަރސިޓީ، އެމްއެންޔޫއަށް މިއަހަރު 51 އަހަރު ވަނީ ފުރިފަ އެވެ.
ގައުމީ ޔުނިވާސިޓީ ފެށިގެން އައީ 1973 ވަަނަ އަހަރު އެލައިޑް ހެލްތް ސާވިސް ޓްރެއިނިން ސެންޓަރެއްގެ ގޮތުގަ އެވެ.
އެއަށް ފަހު ރާއްޖޭގައި ކުރިން ހިންގަމުން އައި މޯލްޑިވްސް ކޮލެޖް އޮފް ހަޔާ އެޑިއުކޭޝަން ޔުނިވާސިޓިއަކަށް ބަދަލުކުރީ 2011 ވަނަ އަހަރުގެ ފެބްރުއަރީ މަހުގެ 15 ވަނަ ދުވަހު، އޭރުގެ ރައީސް މުހައްމަދު ވެރކަމުގައި އެމަނިކުފާނެ އެވެ. އެއާއެކު ދިވެހި ރާއްޖޭގެ ގައުމީ ޔުނިވާސިޓީ އުފެދިގެން ދިިޔައެވެ.
ގައުމު ބިނާ ކުރުމަށް ބޭނުންވާ ތަފާތު ދާއިރާތަކުން ސެޓްފިކެޓް ލެވެލްއިން ފެށިގެން މާސްޓަރސް ލެވެލްގެ 150 އަށްވުރެ ގިނަ ކޯސް ގައުމީ ޔުނިވަރސިޓީގެ އެކި ސެންޓަރުތަކާއި، ފެކަލްޓީތަކާއި ސްކޫލްތަކުގައި އަންނަނީ ހިންގަމުންނެވެ.
ދިވެހިރާއްޖޭގެ ގައުމީ ޔުނިވަރސިޓީގެ ކެމްޕަސްތައް މާލޭގެ އިތުރުން އަތޮޅުތަކުގެ 4 ސަރަހައްދެއްގައި މިވަގުތު އަންނަނީ ހިންގަމުންނެވެ.
