މިއަދު ފެށި ފޮތް މައުރަޒު މިއަދު އަދި މާދަމާގެ ހެނދުނު 10:00ން ހަވީރު 5:00 އަށް ދިވެހިބަހުގެ އެކެޑަމީގައި ކުރިއަށް ގެންދާނެކަމަށް އެ އެކަޑެމީން ބުނެ އެވެ.
މި މައުރަޒުގައި ދިވެހިބަހުގެ އެކެޑަމީގެ ފޮތް ފިހާރައިން ލިބެން ހުންނަ ކުޑަކުދީންނާ ގުޅޭ ފޮތްތަކާއި، ތާރީހީ ފޮތްތަކާއި، ބަހާއި އަދަބިއްޔާތުގެ ފޮތްތަކާއި ވާހަކައާއި ނާވިލު ލިބެން ހުންނާނެކަމަށް އެ ފަރާތުން ބުނެ އެވެ. އެގޮތުން މި ފޮތްތަކުގެ ތެރޭގައި "ދިވެހިބަހުގެ ގަވައިދު 1،2،3،4"އާއި "ބަހުގެ ހަމައިގެ އަތްމަތީ ފޮތް"، "ފަހުބަސް"، "ޖަމީލުގެ ޑްރާމާތައް"، ހިމެނޭކަމަށް ދިވެހި ބަހުގެ އެކަޑެމީން ބުނެ އެވެ.
މީގެ އިތުރުން ރާއްޖޭގެ ރަސްރަސްކަލުންނާ ރަނިރަނިކަނބަލުންގެ ގިނަ މައުލޫމާތުތަކެއް ހިމެނޭ "ދިވެހިރާއްޖޭ ރަހުންނާއި ރަނިން" ދިވެހި ބަހުންނާއި އިނގިރޭސިބަހުން ލިބެން ހުންނާނެ ކަމަށް އެ އެކަޑެމީން ބުނެ އެވެ.
މިފަހަރުގެ މައުރަޒުގައި ވެސް ދިވެހިބަހުގެ އެކެޑަމީގެ ފޮތްތަކާއި ބައެއް އަމިއްލަ ފަރާތްތަކުގެ ފޮތް ވެސް ލިބެން ހުންނާނެ ކަމަށް ފާހަގަކޮށް އެ އެކްޑެމީން ބުނީ މި މައުރަޒުގައި ފޮތް ގަންނަން ލިބެން ހުންނާނީ ދިވެހިބަހުގެ އެކެޑަމީން އާންމުކޮށް ފޮތް ވިއްކާ އަގުތަކަށް ވުރެ ހެޔޮ އަގުގައި ކަަމަށެވެ.
"ފެންޑާ މައުރަޒު"ގެ ނަމުގައި ދިވެހިބަހުގެ އެކެޑަމީން ބާއްވާ މި ފޮތް މައުރަޒަކީ އެކެޑަމީން ކޮންމެ އަހަރަކު ވެސް ބާއްވަމުން އަންނަ މައުރަޒެކެވެ.
