މަތީ ސާނަވީއަށް ކިޔަވައިދިނުމަށް ހާއްސަ ކުރެވިފައިވާ (ސީއެޗްއެސްއީ) ހުޅުމާލެއަށް ބަދަލުކޮށް ކިޔަވާދޭން ފެށީ މިދިޔަ ސަރުކާރުންނެވެ. އޭރު ސީއެޗްއެސްސީ ހުޅުމާލެއަށްް ބަދަލުކުރީ ސީއެޗްއެސްސީއަށް ދިމާވެފައިވާ ޖާގައިގެ ދަތިކަން ހައްލުކުރުމަށްޓަކައި އެސްކޫލު މިހާރު ހުރި އިމާރާތުގައި އަށް ބުރީގެ އިމާރާތެއް އެޅުމަށް ރަޝީދު ކާޕެންޓްރީ އެންޑް ކޮންސްޓްރަކްޝަން ޕްރައިވެޓް ލިމިޓެޑާ ހަވާލުކޮށްފައެވެ.
ސީއެޗްއެސްސީގެ ކިޔެވުން ފެށުން ފާހަގަކުރައްވާ ތައުލީމާއި ބެހޭ ވަޒީރު ޑރ. އިސްމާއިލް ޝަފީއު ވިދާޅުވީ މާލޭ ސީއެޗްއެސްސީ ސްކޫލު ވެގެންދާނީ ފުރަމާލޭގައި ހުރި މަތީ ސާނަވީއަށް ކިޔަވައިދޭ އެންމެ ފެންވަރު ރަނގަޅު ތަނަށް ކަމަށެވެ. އަދި އެތަން ވެގެންދާނީ ހިތްފަސޭހަ އަދި ދަރިވަރުންނަށް އުފާވެރި އުނގެނުމުގެ މާހައުލު ތަނަވަސް ސްކޫލެއްކަމަށްވެސް ވަޒީރު ޝަފީއު ވިދާޅުވިއެވެ.
ސީއެޗްއެސްސީ އަލުން ހުޅުވާ ކިޔަވާދޭން ފަށައިފި
މާލޭއާއި ހުޅުމާލޭގައި ސީއެޗްއެސްސީ ހުޅުވާ ކިޔަވާދޭން ފެށުމުން އަމިއްލަ ސްކޫލްތަކަށް އޭލެވެލް ކިޔަވާ ދަރިވަރުންނަށް ދެން ދައުލަތުން ފީ ދައްކަނީ ސަރުކާރު ސްކޫލަކުން ޖާގަ ނުލިބިގެން މިނިސްޓްރީން ފޮނުވާ ދަރިވަރުންނަށްކަމަށް އެޑިއުކޭޝަން މިނިސްޓަރު ޑރ. އިސްމާއީލް ޝަފީއު ވަނީ ވިދަޅުވެފައެވެ.
ސީއެޗްއެސްސީގެ އިތުރުން ވިލާ ހައި ސްކޫލުންނާއި އަހްމަދިއްޔާ އިންޓާނޭޝަނަލް ސްކޫލުން ގިނަ އަދަދެއްގެ ކުދިން އަންނަނީ އޭލަވެލަށް ކިޔަވަމުންނެވެ.
