އަހުމަދު އަހްތަރު ވަނީ މިރޭ އަމިއްލައަށް މަރުވާން އުޅެފައެވެ. އެނގިފައިވާ ގޮތުން އޭނާ އަމިއްލައަށް މަރުވާން އުޅުނޫ ދަންޖެހިގެންނެވެ.
ފުލުހުންގެ ތަރުޖަމާނު އެސިސްޓެންޓް ކޮމިޝަނާ އޮފް ޕޮލިސް އަހްމަދު ޝިފާން އެކްްސްގައި ކުރި ޕޯސްޓެއްގައި ބުނީ އަހްތަރުގެ ހާލު ގޯސްވެ އައިޖީއެމްއެޗްގެ އައިސީޔުއަށް ބަދަލުކޮށްފައިވާކަމަށެވެ. އަދި އޭނާއަށް ފަރުވާދެމުން އަންނަނީ ވެންޓިލޭޓަރުގެ އެހީގައިކަމަށެވެ.
ޝިފާން ވިދާޅުވީ އަހަތަރު ދޫނިދޫގައި ބަންދުކޮށްފައި ހުރި ގޮޅީގައި ނޭޝަނަލް އިންޓެގިރޓީ ކޮމިޝަނާއި ހިއުމަން ރައިޓްސް ކޮމިޝަންގެ ޓީމުން ޒިޔާރަތްކޮށް ތަހުގީގު ފަށާފައިވާކަމަށެވެ.
އަތުހަރުގެ ލޯބިވެރިޔާގެ ކަރުގައި ވަޅި ޖައްސައި، އެ އަންހެން މިހާ ރަހީނުކުރުމުން، އޭނާ ސަލާމަތް ކުރުމަށް ފުލުހުން ހިންގި އޮޕަރޭޝަނުގެ ތެެރެއިން އަތުހަރަށް ލިބުނު އަނިޔާތަކަށް ފަރުވާދިނުމަށް ފަހު އޭޑީކޭ އިން އޭނާ ދޫކޮށްލީ އިއްޔެ އެވެ. އޭގެ ފަހުން ވެސް ހާލު ގޯސްވުމުން، ރޭ އައިޖީއެމްއެޗުގައި އެޑްމިޓްކޮށް ފަރުވާދިނެވެ.
އެކަމަކު އޭނާގެ ހާލަތު ރަނގަޅުވުމުން އިއްޔެ ހެނދުނު ވަނީ ހޮސްޕިޓަލުން އޭނާ ދޫކޮށްލައިފަ އެވެ.
ފުލުހުން ބުނި ގޮތުގައި ޝަރީއަތް ނިމެންދެން އޭނާ ބަންދުކުރަން ކޯޓުން އަމުރު ކޮށްފައި ވަނީ އޭނާގެ އައިރު ހާޒިރުގައި އިއްޔެ ހަވީރެވެ.
ފުލުހުންގެ ތަރުޖަމާން އަހްމަދު ޝިފާން ދެންމެ ވިދާޅުވީ، އަމިއްލައަށް މަރުވާން މަސައްކަތް ކުރުމުން އޭނާ ހޮސްޕިޓަލަށް ގެންގޮސްފައިވާ ކަމަށެވެ.
