ފޭސްބުކްގައި އޭނާ އާންމު ކުރެއްވި ގްރެފިކްސް އިން ފެންނަ ގޮތުގައި މިދިޔަ ނުވަ މަސްތެރޭގައި ވަނީ ޖެނެރަލް ކާގޯގެ ގޮތުގައި 12،600 ޓަނު އަދި 5،375 ކޮންޓެއިނާ ކާގޯ އެތެރެކޮށްފަ އެވެ.
ވަޖީހު ވިދާޅުވީ، ދެ ގްރާފުން ފެންނަނީ ކޮންމެ އަހަރެއްގެ ވެސް އެވްރެޖްކޮށް މަހެއްގެ މައްޗަަށް ރާއްޖެ އަށް ކާގޯ އެތެރެ ކުރެވިފައިވާ މިންވަރު ކަމަށެވެ.
ވަޖީހު ވިދާޅުވީ، މި ސަރުކާރުގެ މިވީ ކުޑަ ދުވަސް ކޮޅުގެ ތެރޭގައި ރާއްޖެ އަށް އެތެރެކުރެވިފައިވާ މުދަލުގެ އަދަދު ރާއްޖޭގެ ތާރީހުގައި އެންމެ ބޮޑަށް އިތުރުވީ މިދިޔަ ނުވަ މަސް ދުވަހު ކަމަށެވެ.
ވަޖީހު ވިދާޅުވި ގޮތުގައި ގަބޫލް ކުރަން ޖެހޭ ހަގީގަތަކީ، ރައީސް ޑރ. މުހައްމަދު މުއިއްޒު ގެ ވެރިކަން ފެށިގެން މިވީ ކުޑަ ދުވަސް ކޮޅުގެގެ ތެރޭގައި ރާއްޖެ އަށް އެތެރެކުރެވިފައިވާ މުދަލުގެ އަދަދު ރާއްޖޭގެ ތާރީހުގައި ދުވަހަކުވެސް އިތުރު ނުވާ މިންވަރަށް ވަނީ އިތުރުވެފަ އެވެ.
އަދި ވިދާޅުވީ، މި ސަރުކާރުގެ މުހިންމު ޕޮރޮޖެކްޓްތައް ފެށުމުން، ރާއްޖޭގެ އިގުތިސާދު ދުވަހަކު ވެސް ކުރިއަރާފައި ނުވާ މިންވަރަށް ކުރިއަރައި، ރާއްޖޭގެ ރައްޔިތުންގެ ފުދުންތެރިކަން ވަރަށް ބޮޑަށް އިތުރުވާނެ ކަމަށެވެ.
