އަމީތާބްގެ ގެއަށް އޭނާ އައިސްފައި މިވަނީ އަބިޝެކް ބަޗްޗަން އަދި އައިޝްވަރިޔާ ރާއީގެ ކައިވެނީގައި މައްސަލަތަކެއް ހުރި ކަމުގެ ޚަބަރުތައް ފަތުރަމުން ދިޔަދަނޑިވަޅެއްގައެވެ.
އައިޝްވަރިޔާ އާއި އޭނާގެ ދަރިފުޅު އާރަދިޔާ ބަޗްޗަންއާއެކު މުންބާއީގައި ހުރި އޭނާގެ ފިރިމީހާގެ ގޭގައި ފެނުމުން ގިނަބަޔަކު އަންނަނީ އެމީހުންގެ ވަރީގެ އަޑުތައް މިހާރު ނިމުމަކަށް އައިސްފިކަމަށް ބުނަމުންނެވެ. ހޯމަ ދުވަހު، ގިނަ ފޮޓޯގްރާފަރުންތަކެއް އެމީހުންގެ ސޯޝަލް މީޑިއާގައި އައިޝްވަރިޔާ އަދި އާރަދިޔާ މުންބާއީގައި ހުރި ބަޗްޗަންގޭ ޖަލްސާއަށް އަންނަ މަންޒަރުގެ ފޮޓޯތަކާއި ވީޑިއޯތައް ޝެއާކޮށްފައިވެއެވެ.
ވީޑިއޯގައި، އައިޝްވަރިޔާ އަދި އާރަދިޔާ ޖަލްސާ ގޭ ބޭރުގައި ކާރުން ފައިބާ މަންޒަރު ފެނެއެވެ. އާރަދިޔާ ސްކޫލް ޔުނިފޯމުގައި ހުރުމުން، އޭނާ ސްކޫލުން އައީ ކަމަށް ބެލެވެއެވެ. އައިޝްވަރިޔާ ރީތި ފެހި ހެދުމެއް ލައިގެން ހުއްޓެވެ. މި މަންޒަރުތައް ސޯޝަލް މީޑިއާގައި ވަރަށް ބޮޑަށް ފެތުރިފައިވަނީ އަބިޝެކް ބަޗްޗަންއާ ވަރިވާ ކަމުގެ އަޑުތައް އުފެދިފައިވާ ދަނޑިވަޅެއްގައެވެ.
މަސައްކަތުގެ ދާއިރާއިން، އައިޝްވަރިޔާ އެންމެ ފަހުން ފެނިފައިވަނީ މަނިޝް ރަތްނަމް ޑައިރެކްޓްކުރި "ޕޮންނިޔިން ސެލްވަން 2" ގައެވެ. އަބިޝެކް ވަނީ "ހައުސްފުލް 5" އަދި "ކިންގް" ފިލްމުގައި މަސައްކަތް ކުރަމުންނެވެ.
