ފުލުހުން ބުނީ ދައުރުކުރަމުންދާ ރިޕޯޓަކީ އެ އިދާރާގެ ރަސްމީ ލިޔުންތަކުގައި ބޭނުންކުރާ ފޯމެޓް ކޮޕީ ކޮށްގެން ހަދާފައިވާ އަސްލެއް ނެތް ރިޕޯޓެއްކަމަށެވެ.
ރިޕޯޓާއި ގުޅިގެން ބެލިބެލުމުން އެ ރިޕޯޓްގައި ބޭނުންކޮށްފައިވާ ހެޑާއާއި ފުލުހުންގެ ލިޔެކިޔުންތަކުގައި ބޭނުންކުރާ ހެޑާއާ ދިމާނުވާކަން ފާހަގަކުރެވެވިފައިވާކަމަށް ފުލުހުން ބުނެއެވެ. އަދި ދައުރުވަމުންދާ ރިޕޯޓްގައި އޭރުގެ އެކްޓިން ކޮމިޝަނަރު އަބްދު ﷲ ނަވާޒުގެ ސޮއިކަމަށް ބުނެ ހިމަނާފައިވަނީ ފުލުހުންގެ ތަރުޖަމާނު އަހްމަދު ޝިފާންގެ ސޮއި ފޯޖުކޮށް އެ ސޮައިކަމަށްވެސް ފުލުހުން ބުނެއެވެ.
ފުލުހުން ބުނީ މި ރިޕޯޓް އުފައްދާ ދައުރުކުރަމުންދާ މައްސަލަ ސީރިއަސް މައްސަލައެއް ގޮތުގައި ތަހުގީގު ކުރަމުންދާކަމަށް ފުލުހުން ބުނެއެވެ. އަދި އެންޓިކޮރަޕްޝަން ކޮމިޝަންގެ ސައްހަނޫން ރިޕޯޓެއް ދައުރުވަމުންދާތީ އެ މައްސަލަ ތަހުގީގުކޮށް ދިނުމަށް އެ ކޮމިޝަނުން އެދިފައިވާތީ އެ މައްސަލަވެސް ބަލަމުން އަންނަކަަމަށް ފުލުހުން ބުނެއެވެ.
