ގައުމީ ދުވަހުގެ މުނާސަބަތުގައި ރައީސް ޑރ. މުއިއްޒު ދިވެހި ގައުމާ މުހާތަބު ކުރައްވަނީ
އަމިއްލަވަންތަކަމަށް ލޯބި ނުކުރެވޭނަމަ، މިނިވަންކަމަށް ލޯތްބެއް ނުކުރެވޭނެ
އަބްދުލް ހަންނާން މުހައްމަދު
04 ސެޕްޓެމްބަރ 2024 - 21:51:36
އަމިއްލަވަންތަކަމަށް ލޯބި ނުކުރެވޭ ނަމަ މިނިވަންކަމަށް ވެސް ލޯތްބެއް ނުކުރެވޭނޭ ކަމަށާއި އެއީ އެކުއެކީ ގުޅިލާމެހިފައިވާ ދެކަންތައްކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.
Advertisement
ދަރުބާރުގޭގައި މިއަދު ބޭއްވި ގައުމީ ދުވަހުގެ ރަސްމީ ޖަލްސާގައި ވާހަކަދައްކަވަމުން ރައީސް ވިދާޅުވީ ކޮންމެ މީހަކުވެސް އަމިއްލަވަންތަކަމަށް ލޯބި ކޮށްގެން މެނުނީ މިނިވަންކަމަށް ލޯބި ނުކުރެވޭނޭކަމަށެވެ. އަދި އަމިއްލަވަންތަކަން ދިފާއުނުކުރެވޭނަމަ، މިނިވަންކަންވެސް ދިފާއުނުކުރެވޭނޭކަމަށް ރައީސް ވިދާޅުވި އެވެ.
" އަމިއްލަވަންތަކަމަށް ލޯބި ނުކުރެވޭނަމަ، މިނިވަންކަމަށް ލޯތްބެއް ނުކުރެވޭނެ. އަދި އަމިއްލަވަންތަކަން ދިފާއުނުކުރެވޭނަމަ، މިނިވަންކަންވެސް ދިފާއުނުކުރެވޭނެ."
ކަންމިހެން އޮތް އިރު، ގައުމެއް ދިފާއުކުރުމުގައި އެ ގައުމެއްގެ އަމިއްލަވަންތަކަން ދިފާއުކުރުމަކީ ކޮންމެހެންވެސް ކުރައް ޖެހޭނޭކަމެއްކަމަށް ރައީސް ވިދާޅުވި އެވެ.
މީގެ އިތުރުން ރައީސް މުއިއްޒު ވިދާޅުވީ ތަނެއްގައި ދިރިއުޅުނުނަމަވެސް އެތަނެއްގެ ރިސޯސްތައް މަސައްކަތާއި ހުނަރުވެރިކަމުން މެނުވީ އެބައެއްގެ އަތްމައްޗަށް ނާރޭކަމަށާއި އެތަނެއްގެ ބާރާއި ނުފޫޒު އޮންނާނީ އެތަނެއްގެ ރިސޯސްތައް ކޮންޓްރޯލް ކުރާ ބައެއްގެ އަތްމަތީގައި ކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
