ޝަރަފުވެރިކަމުގެ ގައުމީ އިނާމު ލިބިވަޑައިގެންނެވި މުހައްމަދު ނާސިރު، އަދި އަހްމަދު މުހައްމަދަށް ރައީސުލްޖުމްހޫރިއްޔާ ދެއްވީ، ޝަރަފުގެ އައްޑަނައާއި، ޝަރަފުގެ ބެޖެވެ.
އިނާމް ލިބިވަޑައިގެންނެވި ދޮންތު އަކީ ކްލަބް ވެލެންސިއާ އުފެއްދެވުމުގައި އިސް ދައުރެއް އަދާކުރެއްވި އެކުލަބުގެ އެންމެ ވަރުގަދަ އެއް ހިދުމަތްތެރިޔާ އެވެ. ދޮންތު ވަނީ ވެލެންސިއާގެ ޖެނެރަލް ސެކްރެޓަރީކަން 30 އަހަރު ކުރައްވައިފަ އެވެ. އެ ކުލަބު ހޯދި ކޮންމެ ކާމިޔާބީއަކާއި ކުރިމަތިވި ނާޒުކު ދަނޑިވަޅުތަކުގައި ވެސް ކުލަބުގެ އެންމެ ވަފާތެރި އެއް މެމްބަރަކީ ދޮންތު އެވެ.
ދޮންތުއަށް މަރުހަބާ ކިޔައި ކްލަބު ވެލެންސިޔާއިން މިއަދު ބުނީ އެއީ ދެގޮތެއްނުވި ވެލެންސިއާގެ އެންމެ ބޮޑު އެއް ޝަރަފުވެރިޔާ ކަމަށެވެ. އަދި މިހާރުވެސް ކުލަބުގައި ވަމުންދާ ގޮތް ބައްލަވާ ވެލެންސިއާގެ ލޭ ހިނގާ ބޭފުޅެއް ކަމަށް ވެލެންސިޔާއިން ބުންޏެވެ.
ނިއުރޭޑިއަންޓަށް ފަހު ވިކްޓަރީގައި މުހިންމު ދައުރެއް އަދާކުރެއްވި ނާބެ އަކީ ރާއްޖޭގެ އެންމެ ފުރަތަމަ ކުޅިވަރު ދަސްކޮށްދިން އިންސްޓަކްޓަރެވެ. ވިކްޓަރީ ސްޕޯޓްސް ވުޖޫދަށް ގެނުވި އެއް ބޭފުޅަކީ ރިނބުދޫ ނާސިރެވެ. ވިކްޓަރީގެ ކާމިޔާބު ހަޔާތުގެ ކުރިން އޭނާ ފެނިގެންދިޔައީ މާލޭ ޒަމާނީ މިއުޒިކް ކުލަބުންނެވެ. ފުޓްބޯޅަ އާއި ވޮލީ އަދި ބާސްކެޓާއި ހޮކީގެ އިތުރުން ކްރިކެޓާއި ހޮކީގައި ވެސް އޭނާއަކީ ފާހަގަކޮށްލެވުނު ކުޅުންތެރިއެކެވެ. އަދި ބައިސްކަލް ރޭހާގައި ސަގާފީ ކުޅިވަރެއް ކަމުގައިވާ މަންޑި ކުޅުމުގައި ވެސް ފާހަގަކޮށްލެވުނު ކުޅުންތެރިއެކެވެ.
