ވޭތިވެ ދިޔަ 10 އަހަރުވެސް 100 މީޓަރު ދުވުމުގައި ރަސްކަން ކުރަމުން އައީ ސާއިދުއެވެ. އެކަމަކު ބުރާސްފަތި ދުވަހު، ސާއިދުގެ މައްޗަށް، 100 މީޓަރު ރޭހުގެ ފައިނަލުގައި، އިބާދުﷲ ކުރިހޯދީ، 10.59 ސިކުންތުން ރޭސް ނިންމައިގެންނެވެ. ސާއިދު ރޭސް ނިންމީ، 10.67 ސިކުންތުންނެވެ. އެއީ ރޭހުގެ ދެވަނައެވެ. ތިން ވަނަ ހޯދި، ޓްރެކް އެންޑް
މުހައްމަދު މިންހާލް ޝާމިން ރޭސް ނިންމީ، 10.74 ސިކުންތުންނެވެ.
ޖެމެއިކާގައި ޓްރެއިނިން ހަދަމުން އައި، އިބާދުﷲ އަކީ ފްރާންސްގެ ޕެރިހުގައި ނިމުނު އޮލިމްޕިކްސްގައިވެސް މި ފަހަރު ދުވުމުން ރާއްޖެ ތަމްސީލް ކުރި އެތްލީޓެވެ. މިދިޔަ އަހަރުގެ ގައުމީ މުބާރާތުގައި އިބާދުﷲ ނުދުވެއެވެ.
ބުރާސްފަތި ދުވަހު 100 މީޓަރު ދުވުމުގެ ރޭސް އިބާދުﷲ ކާމިޔާބު ކުރިނަމަވެސް، ގައުމީ ރެކޯޑް އަދިވެސް އޮތީ ސާއިދު އަތުގައެވެ. އެއީ 2016 ވަނަ އަހަރު 10.33 ސިކުންތުން ދުވެގެންނެވެ.
