އެމްޕީއެލުން ބުނީ މިދިޔަ ބުދަ ދުވަހު މާލޭ ވިޔަފާރި ބަދަރުން 934 ކޮންޓެއިނަރަށް ހިދުމަތް ދީފައިވާ ކަމަށާއި މިއީ އެ ކުންފުނީގެ ތާރީޚުގައިވެސް އެއް ދުވަސްތެރޭ މިހާ ގިނަ އަދަދަކަށް ކޮންޓެއިނަރ ހޭންޑްލްކުރި ފުރަތަމަ ދުވަސްކަމަށެވެ.
އެ ކުންފުނިން ފާހަގަކުރި ގޮތުގައި ޖާގައިގެން ދަތިކަމާއި އެކު ވިޔަފާރި ބަނދަރަށް ކުރިމަތިވެފައިވާ ބޮޑެތި ގޮންޖެހުންތަކަކާއި އެކުވެސް މިފަދަ ބޮޑު ކުރިއެރުމެއް ލިބުނީ އެ ކުންފުނީގެ ހީވާގި ޓީމުގެ ބުރަމަސައްކަތުނެވެ.
މިކަން ފާހަގަކޮށް އެކުންފުނީގެ ސީއީއޯ މުހައްމަދު ވަޖީހު އިބުރާހީމް ވިދާޅުވީ މިދިޔަ ބުދަ ދުވަހަކީ އެ ކުންފުނީގެ ހަޔާތުގައިވެސް އެއްދުވަހަކަށް އެންމެ ގިނަ ކޮންޓެއިނަރ ހޭޑްލް ކުރެވުނު ތަރީހީ ދުވަސް ކަމަށާއި އެގޮތުން އެ ދުވަހު އެކަނި 934 ކޮންޓެއިނަރަށް ހިދުމަތް ދެވިފައިވާކަމަށެވެ.
މީގެ އިތުރުން ވަޖީހު ވިދާޅުވީ މިދިޔަ ބުދަ ދުވަހު ރެކޯޑް އަދަދަކަށް ކޮންޓެއިނަރަށް ހިދުމަތް ދެވިފައިވާއިރު، މީގެ ކުރިން އެންމެ ގިނަ ކޮންޓެއިނަރަށް އެއްދުވަހަކަށް ހޭންޑްލް ކުރެވިފައިވަނީ ވެސް މި ދައުރުގައި ކަމަށާއި އެއީ 650 ކޮންޓެއިނަރ ކަމަށް ވަޖީހު ވިދާޅުވި އެވެ.
ވަޖީހު ވިދާޅުވީ އެމްޕީއެލްގެ މެނޭޖްމަންޓުން އަބަދަބުވެސް މަސައްކަތް ކުރަމުން ގެންދާނީ "ލައިޓެނިންގް ސްޕީޑުގައި" މަސައްލަތްކޮށް ރައްޔިތުން ހިތްހަމަ ޖެހޭފަދަ ހިދުމަތް ތަކެއް ފޯރު ކޮށްދިނުމަށެވެ.
އަދި ކުންފުންނަށް ލިބުނު މި ކުރި އެރުމަކީ އެ ކުންފުނީގެ ހީވާގި ހިތްވަރުގަދަ ޓީމުން ކުރި ބުރަމަސައްކަތުގެ ނަތީހާ ކަމަށާއި، އެ ޓީމަށާއި އަދި އެހެނިހެން ސްޓޭކް ހޯލްޑަރުންނަށް ހިތުގެ އެންމެ ފުންމިނުން ސުކުރުދަންނަވާކަމަށެވެ.
